Sceletus

Sceletus^[1][2] (ab adiectivo Graeco σκελετός 'siccatus'), vel in vocabulario anatomico sceletum,^[3] est in lingua communi durum systema in corpore vertebratorum, super quod musculi, ligamenta, et cutis tenduntur. In biologia et palaeontologia alia systemata functionem similem habentia etiam sceleta nominantur.

Sceleti vertebratorum: 1, Homo sapiens; 2, calva hominis; 3, Australopithecus; 4, Homo neanderthalensis; 5, Pan troglodytes; 6, Papio hamadryas; 7, Rhinopithecus roxellanae; 8, Gorilla; 9, Sus scrofa; 10, Bos taurus; 11, Leo; 12, Lupus; 13, Equus; 14, Elephas; 15, Capra; 16, Hippotamus; 17, Camelus; 18, Macropus giganteus; 19, Damaliscus korrigum; 20, Odobenus rosmarus; 21, Chiroptera; 22, Cetus; 23, Accipiter; 24, Psittacus; 25, Gallus; 26, calva galli; 27, Ramphastus sulfuratus; 28, Casuarius casuarius; 29, Sphenisciformes; 30, Grus; 31, Sharivopteryx; 32, Natrix; 33, Viperidae; 34, Boa constrictor; 35, Crocodylus; 36, Lacertilia; 37, Testudo; 38, Rana; 39, Salamandra; 40, Perca fluviatilis; 41, Acipenser; 42, Balistoides viridescens; 43, Rajiformes; 44, Polypterus.

Sceletus (endosceletus) Vertebratorum

Sceletus in vertebratis aut ossibus, aut in chondrichtyibus cartilagine fit. In sceleto Hominis sapientis, adultis 206 ossa esse solent, multo minora quam infantulis. Talis sceletus internus etiam endosceletus vocatur.

In arte, sceletus, vel adeo calva sola, mortem saepe significat.

Exosceleta invertebratorum

In vocabulario biologico nomine sceletorum comprehenduntur etiam exosceleta et sceleta hydraulica. Exosceletum est tegumen rigidum nonnullorum invertebratorum (ut puta Arthropodorum, Molluscorum vel Brachiopodorum), nullum os continens, sed e chitino vel calcii carbonate consitutum, quod omnia viscera continet. Sceleta hydraulica (Anglice fluid skeletons) sunt partes corporis quae cum liquido aliquo repleantur, comprimi nequeunt.^[4]

Nexus interni

• Systema skeletale hominis
• Cranium
• Exosceletus