Sella

Sella^[1] est supellex in qua homo sedere potest, cui sunt pars librata (sedes), et plerumque quattuor pedes. Potest etiam tergum et bracchia habere. Commodorum causa pulvinos habere potest.

Sella Francica saeculi XIX.

Scamnum Romanum antiquum.

Multa vocabula Latina suppellectilem similem significant. Sella et sedes sunt vocabula usus generalissimi. Sedile est verbum fere poeticum.^[2] Cathedra sellam cum pulvinis et bracchiis vel sellam magistri significat. In sermone christiano cathedra sellam et officium episcopi significat.^[3] In sedibus etiam scamnum est, generaliter sella longa, pluribus hominibus idonea, item subsellium, parvum scamnum.

Nexus interni

• Ephippium, sive sella equestris
• Sella rotalis
• Solium chrysanthemi