Sophia Wilmès

Sophia, vulgo Sophie Wilmès (Elselae nata die 15 Ianuarii 1975) est politica Belgicae factionis Motus reformatorii^(fr) et de anno 2019 ad annum 2020 prima ministra patriae erat.^[1]

Sophia Wilmès

Res apud Vicidata repertae:

Sophia Wilmès: imago

Sophia Wilmès: subscriptio

Nativitas: 15 Ianuarii 1975; Elsela
Patria: Belgica

Familia

Genitores: Philippe Wilmès;
Coniunx: Chris Stone

Sophia Wilmès alumna est instituti artis diurnariae et universitatis Sancti Ludovici Bruxellis in urbe. Erat consiliaria communalis Ucclae et scabina Rhodae Sancti Genesii^(nl). Legata foederalis electa est anno 2014; anno sequenti ministra in rectione Caroli Michel facta est.

Rectio Caroli Michel iam sine fide parlamenti et ita rectio mere custodialis erat cum is praeses Consilii Europaei factus est. Sophia Wilmès prima ministra ei successit die 27 Octobris 2019, sed rectio sua custodialis remanebat. Denique die 19 Martii 2020 fidem parlamenti obtinuit ut discrimen morbi coronaviri gerat.^[2]

Die 1 Octobris 2020 in rectione successoris sui Alexander De Croo ministra rerum externarum facta est. A quo officio die 14 Iulii 2022 recedit ad interim, marito cancere cerebri graviter affecto.