Niveus

Niveus est nomen coloris scilicet nivis.

Niveus

Autocinetum niveum

In Latinitate classica

lactis color est^[1]. Saepissime de pulchritudine amabili puellarum puerorumque dicitur, e.g.:

Serva Briseis niveo colore
      movit Achillem^[2].

vel

      ...subest niveo laetus in ore rubor^[3].

Pasiphae secundum Vergilium amans non iuvenem, sed taurum, tauri colorem niveum nominat^[4] etc.

De togis splendidis interdum dicitur, ut Iuvenalis niveos Quirites^[5] vel Calpurnius Siculus nivei tribuni^[6].

Cum de aqua dicitur (niveum flumen^[7], niveae undae^[8]), non candida, sed clara, pura, perlucida significat.

In Latinitate biologica

Albus color purus et splendens in binominibus niveus appellatur.

• 
  Nassarius niveus
• 
  Pterophorus niveus^[9]
• 
  Cuphophyllus niveus
• 
  Aspergillus niveus