Pulvis

Pulvis (-eris, m.) in particulis minimis sub magnitudine harenae consistit. Si crystallum sive harenam conteris, pulverem habes. Dimetiens particulae pulveratae minus quam 500 µm plerumque est.

Pulvis domesticus.

De etymologia

Pulvis eiusdem radicis esse videtur ac pulmentum et pulpa, sed singula non liquent. Si cum polline et palea coniungitur, aliis verbis ex linguis Indoeuropaeis (ut Sanscrita palāvaḥ; Lettonica pelus 'paleae') assumptis fortasse in radicem PIE *pel- pervenimus, quae progeniem et verborum et significationum copiosam numerat. Itaque accidit, ut etymologia ab Isidoro animo concepta^[1] non omnino a fide abhorreat.

Quid de pulvere in Bibliis Sacris dictum sit

• Genesis 3.19: "In sudore vultus tui vesceris pane, donec revertaris in terram de qua sumptus es: quia pulvis es et in pulverem reverteris."
• Psalmus 1.4: "[Impii erunt] tamquam pulvis quem proiicit ventus a facie terrae."

Nexus interni

• Allergia
• Vatillum
• Vicipaedia:Glossarium chemicum