Silva

Silva est communitas organismorum, in qua arbores quadam symbiosi inter se et cum aliis organismis coniunctae adsunt. Arbores maiorem materiae biologicae ("biomassae") partem constituunt.^[1] Aliae culturae quid sit silva, cuius magnitudinis et cuius compositionis, aliter definiunt, aream quidem esse arboribus plenam consentire solent.^[2]

Vide etiam paginam discretivam: silva (discretiva).

Biogradska Gora aestate visa, ambo silva et saeptum nationale, in natione Monte Nigro sita.

Silva hiemalis in Kazanka (Bulgaria).

Silva secundum flumen Tarvasjõgi in Estonia.

Aspectus silvae frondosae in Germania.

Iungala in valle Manoa, Oahu.

Silvae intactae intra terrae regiones silvis tectas (Intact Forest Landscapes, IFL).

Silva mortua in Montibus metalliferis (Erzgebirge).

Silva Californiae.

Silva frondosa cum arbore eversa in saltu Starzenbach prope Feldafing in Bavaria.

Silva mixta in Polonia.

Silvae fere 9.4 centesimas faciei terrae (sive 30% continentium) tegunt, sed ante industriae conversionem fere 15.6 centesimas (sive 50% continentium) tegebant. Habitationem variis organismis ab animalibus usque ad edapha praebent, cyclum aquae moderantur, ]]solum]] conservant. Quare silvae partes maximi momenti in biosphaera agunt.

Synonyma Latina

• Silva est verbum usitatissimum.
• Saltus plagam significat, quae montibus vallibusque variat quaeque partim arboribus, partim virgultis tecta est; saepe et ad pascendum adhibetur.
• Nemus magis est verbum poeticum, sive silvam pascuis utilem sive cuidam deo dicatam valens.
• Lucus, a poetis pro silva adhibitus, plerumque silvam cuidam deo dicatam significat.
• Foresta (sive forestis, forestum, foreste, etc.)^[3] est verbum recentioris Latinitatis silvam rebus oeconomicis aut venationi saeptam valens. Verbum foresta e [silva] forestis^[4] deductum est. Foresta notioni silvae communis obiecta est.

Distributio silvarum

Silvae omnibus in regionibus, quae arboribus crescendis idoneae sunt, inveniuntur, nisi incrementum igni frequenti aut aliis calamitatibus naturalibus aut actu humano impeditur.

Regiones inter latitudines 10° a linea aequatoriali in septentriones et in meridiem versus plerumque a silva pluviali tropicorum tectae sunt, latitudines inter 53°N et 67°N silva boreali sive taiga. Silvis, in quibus angiospermae praevalent, plures species esse solent quam illis, qua gymnospermae (silvae pinophytorum sive montanae), praeter paucas.

Genera silvarum

Silvae varie distingui sive dispertiri possunt. Inter alias sunt:

• Silva pluvialis (sive tropica sive temperata), silva, ubi permulta pluit.
• Iungala, genus silvae tropicalis
• Silva manglaris
• Silva paludosa
• Silva sempervirens
• Silva frondosa
• Silva borealis
• Curvisilva
• Subsilva

Silvitundra et silvisteppa sunt oecoregiones mixtae, quae inter silvam et tundram vel steppam inveniuntur.

Usus silvarum

Silvae praecipue triplici usui sunt: usui oeconomico, oecologico (protectio circumiectorum naturalium) et sociali (relaxatio). Quidam usus silvae sine opera humana efficiuntur (ut puta creatio oxygenii), alii silvicultura fiunt (ut puta semitae viarum). Possessoris silvae est varios usus praebere. Si silvae ita in usu sunt, ut conserventur, silvicultura vocatur durabilis.

Usus oeconomicus

Ab initio homines, qui venatu ac collecto vivebant, iis, quae silva praebebat, opibus naturalibus utebantur. Praeter animalia etiam herbae, bacae, fungi, resina et similia iis usui erant. Pecora et armenta ibi pastum agebantur, mella ac ligna petebantur. Mox lignum arborum etiam ad aedificandum adhibebatur. Cum saeculo duodevicesimo incipiente penuria ligni sentiretur, silvicultura orta est, qua continua ligni subvectio, tum primarii energiae fontis, confirmaretur. Ita silva saepe foresta facta est, ubi oecosystema naturale cum plantis commutatum est, quae efficientia humana locum occupaverunt.

Nimia spoliatione silvae etiam deletae sunt vel delentur. In nonnullis regionibus mediterraneis, silvae non iam inveniuntur, cum homines arbores ceciderint, ut exempli gratia naves aedificarent. Simili modo hodie multis in terris silvae in periculo sunt.

Etiam industria silvis detrimento esse potest: Complures arbores propter pollutionem aeris sunt aegrae.

Usus oecologicus

• Silva carbonii dioxido (CO2) ligando clima moderatur, quod a multis prima praesentis mutationis clima esse putatur. In photosynthesi plantae virides aeri carbonii dioxidum detrahunt, oxygenium (O2) autem emittunt.
• Silvae solum, in quo crescunt, pluribus modis conservant; erosio minuitur; nivium saxorumque moles de monte devoluta prohibetur;
• In silvis aqua reservatur, quae ad bibendum, irrigandum, energiam pariendam usui est.
• Aer et aqua saccatur, ut materia venenata dematur.
• Silva homines etiam a strepitu circumiectali defendi possunt.
• Imprimis in silvis, quibus homines minus utuntur, animalia et plantae rarae superare possunt.

Recreatio

Multi homines silvas ad recreandum intrant, ut iter faciant et animalia silvestria videant.

Varia

• Aliquae silvae Europaeae e litteris antiquis notae sunt. Hercynia silva nota est e descriptione, quam scripsit Caesar, Gall. 6.24-25.
• Transsilvania est pars Romaniae, quae ad litteram "ultra silvas septentrionales" latet.

Area silvarum per civitates digesta

Area silvarum^[5]

	2008	2009	2010
	('000 km2)	('000 km2)	('000 km2)
Australia	1511	1502	1493
Brasilia	5239	5217	5195
Canada	3101	3101	3101
Sinae	2013	2041	2069
Unio Europaea	1559	1564	1569
Germania	111	111	111
India	681	683	684
Indonesia	958	951	944
Iaponia	250	250	250
Russia	8090	8090	8091
Civitates Foederatae Americae	3033	3036	3040
Orbis terrarum	40318	40261	40204

Nexus interni

• Agricultura
• Anadasosis
• Biotopus
• Dies internationalis silvarum
• Res saltuaria
• Rhea Silvia
• Silvicida
• Silvicultura
• Silva pluvialis
• Silvologia
• Vegetatio