Banka de Yisrael

La Banka de Yisrael (en ivrit: בנק ישראל; en arabo: بنك إسرائيل) es la banka sentrala de Israel, enkargada de emitir las parás del paez (el shekel). La Banka de Yisrael tiene la su sede prinsipala en Yerushalayim, kon un buró sigundario en Tel Aviv. El su aktual governador es Stanley Fischer.

(i) 31° 46′ 53″ N, 35° 12′ 04″ E

Frágua prinsipala de la Banka de Yisrael en Yerushalayim.

Istorya

Dempues de konsigir la endependensia enel anyo 1948, la emisiyon de las parás era lavoro de a la Anglo Palestine Company (aktual Banka Leumi). La polítika monetaria i la supervisiyon bankaria se azía basho el kontrolo del Ministerio de Azienda. La Banka de Yisrael fue fondada el 24 de Ogusto de 1954, cuando la Knesset dio el su visto bueno a la ley reguladora de la Banka de Yisrael, la kuala pasó a tener la supervisyon bankaria. El kontrolo de las parás no fue dado a la banka asta 1978. Desde 1992, la banko kontrola la inflasiyon i endemas tiene la fakultad de desinyar medidas de polítika monetaria a la fin de kumplir este objektivo.

Govyernadores de la banka

• David Horowitz, 1954 - 1971
• Moshe Sanbar, 1971 - 1976
• Arnon Gafni, 1976 - 1981
• Dr. Moshe Mendelbaum, 1982 - 1986
• Prof. Michael Bruno, 1986 - 1991
• Prof. Jacob A. Frenkel, 1991 - 2000
• Dr. David Klein, 2000 - 2005
• Prof. Stanley Fischer, 2005 - 2013
• Dr. Karnit Flug, 2013 - presente

Referensias

Klika akí para ver las imajes de Commons ensima de Banka de Yisrael.

• Pájina ofisiala de la Banka de Yisrael (en inglez i en ivrit)