Barquisimeto

Barkisimeto (en espanyol Barquisimeto), la yamada Kapitala musikal de Venezuela, es la kapitala del Estado Lara i del Munisipio Iribarren, emportante sentro urbano, industrial, komersial i de transporte del payis. Es la katrena sivdad kon mas moradores de Venezuela. Es konosida endemas komo la Sivdad de los krepuskulos, por modre de sus ermozos atadreseres. La sivdad se topa enel altiplano omonimo, enriva de las beiras del rio Turbio. Los moradores orijinalos yamavan varikisimeto al chiko rio de aguas de kolor grizo. Otro de los posivles orijenes del su nombre es el de la kolor kolorada yamada barikí, ke los indianos Jirahara kullaneavan en sus seremonias relijiosas. La sivdad fue fundada por el espanyol Juan de Villegas en el anyo 1552, en la beira del rio Buría, komo Mueva Segovia de Barkisimeto. Dospues fue trokada de lugar tres vezes fina el anyo 1563, kuando topo la ubikasion aktuala.