Kaliningrado

Kaliningrado (en russo: Калининград, transliterasion: Kaliningrad, en almán: Königsberg, en prusiano antiko: Twangste, Kunnegsgarbs, Knigsberg, en lituano: Karaliaučius, en polako: Królewiec i en bieloruso: Каралявец) la antika Königsberg prusiana, es una sivdad kon porto de Evropa Orientala ke pertenese ala Rusia tras su aneksiyón en 1945 i situada enun enklave enla desembokadura del río Pregel, desaguando enel lago del Vístula, komunicado endemas kon la mar del Báltiko por el estrecho de Baltiysk.

Antika imaje dela Königsberg prusiana

Mapa antiko dela Prusia Orientala

Monumento de Immanuel Kant enla sivdad de Kaliningrado.

Kaliningrado es endemas kapitala del vilayet russo de Kaliningrado, ke uza 15 100 km² i tiene una poblasiyón de 968 200 avitantes (2004). Akel óblast (rejión, vilayet o provinsia) se ankontra aislado del resto del territorio russo, komparte sus frontieras al nord i al este kon Lituania i al sud kon Polonia, myembros dela UE.

Istorya

Desde el anyo 1255 asta 1945, la antika Königsberg hue kapitala del vilayet dela Prusia orientala. Anke enel anyo 1946, hue renombrada komo Kaliningrad tras su aneksiyón, en onor al revolusionario sovyétiko Mikhaíl Kalinin. Kon el governo sovyétiko imperando en este enklave, gran parte dela poblasiyón almana hue desterrada i egziste enel su lugar una mayoritariamente russa.

Asta la anyada de 1991, esta sivdad no pudo konsigir ver su rol tradisional komo ponte entre payíses ke se topan enel este i el oeste dela mar del Báltiko debido al su esenario polítiko, i su endustria turístika tambyén estuvo dirijida prensipalmente a visitantes russos por dékadas. Endagora la sivdad está abierta al komersio internasional i al turismo, anke la ubikasiyón jeográfika komo territorio russo dentro dela UE presente alkunos problemas.

Pertenensias istórikas Reyno dela Prusia: 1255 - 1772 Imperio almán: 1772 - 1917 Repúvlika de Weimar: 1918 - 1933 Almania nazi: 1933 - 1944 URSS: 1944 - 1991 Rusia: 1991 - oy

Demografiya

Evolusyon

1400	1663	1708	1711	1813	1819	1825	1831	1837	1840	1846	1852	1855
10.000	40.000	40.600	30.000	48.729	63.869	67.125	67.580	69.600	70.839	75.234	79.887	83.593
1858	1864	1871	1875	1880	1885	1890	1895	1900	1905	1910	1916	1917
87.267	101.500	112.092	122.636	140.909	151.151	161.666	172.796	189.483	223.770	245.994	229.007	224.758
1919	1925	1933	1939	1945	1956	1959	1970	1979	1989	2002	2006	2010
260.895	279.926	315.794	372.164	73.000	188.000	204.000	296.962	354.788	401.280	430.003	423.651	431.402

Akodros

Sivdades ermanas

La sivdad de Kaliningrado es ermanada kon las sigientes sivdades:

Lichtenberg, Almania Kiel, Almania Rostock, Almania Bremerhaven, Almania Hamburgo, Almania Gyumri, Armenia Minsk, Bielorusia Goradnia, Bielorusia Aalborg, Dinamarka Norfolk, Estados Unidos Turku, Finlandia Assen, Paizes Bashos Groninga, Paizes Bashos Cork, Irlanda

Forlì, Italia Kaunas, Lituania Klaipėda, Lituania Panevėžys, Lituania Šiauliai, Lituania Elbląg, Polonia Olsztyn, Polonia Gdansk, Polonia Gdynia, Polonia Białystok, Polonia Toruń, Polonia Łódź, Polonia Racibórz, Polonia Zabrze, Polonia Southampton, Reyno Unido Kalmar, Suesia

Atamientos Eksternos

Wikimedia Commons alberga kontenido multimedia sovre Kaliningrado