Konstantinopoli

Konstantinopoli (en lingua grega Κωνσταντινούπολις, Konstantinúpolis, akurtado komo ἡ Πόλις, ē Polis, 'La Sivdad'; en lingua latina Constantinopolis, en lingua turka otomana Konstantiniyye), oy endiya Estambol (lingua turka: İstanbul), era la sivdad kapitala del Imperio Romano (330–395), del Imperio Romano de Oryente, o Imperio Bizantino (395–1204 i 1261–1453), del Imperio Latino (1204–1261) i del Imperio Otomano (1453–1922). Estratejikamente topada entre el Korno de Oro i la mar de Marmara, enel punto ande son unidas Evropa i Asya, la Konstantinopoli bizantina era la mas emportante del Kristyanismo i la eredera del mundo grego i romano. Por toda la Edad Medya, Konstantinopoli yego a ser la mas grande i rika sivdad de Evropa, yamada endemas «la Reyna de las Sivdades» (Basileuousa Polis), ansina komo endemas era yamada la Enkrusada del 'Olam, deke era ande las naves de Asya, Afrika i la Evropa yegavan.

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Mapa de Konstantinopoli.

Dependiendo de sus governantes, la sivdad yego a tener munchos nombres durante el tiempo; entre los mas konosidos estan Bizans (en lingua grega Byzantion), Stamboul o Mueva Roma (en lingua grega Νέα Ῥώμη, en lingua latina Nova Roma), anke este ultimo nombre era mas uzado relijiozamente ke a levelo ofisyal. Era yamada por la Guardia Varega basho el nombre de Miklagarðr (Gran Sivdad). El su nombre fue trokado ofisyalmente a Estambol (el su nombre de oy endiya) enel anyo 1930 a traverso de la Ley Turka de Servis de Posta, parte de los trokamientos nasyonales echos por Atatürk.

Atamientos eksternos

Wikimedia Commons alberga kontenido multimedia sovre Konstantinopoli

• Constantinopla durante la Edad Media, en el Centro Virtual Cervantes. (en lingua kastilyana)