Monarkiya

Una monarkiya o monarshia es una forma de governo de un payis enel kualo el posto supremo del governo es para toda la vida i el proksimo shefe del payis yega por erensia. Este posto es yamado "monarka" (del grégo "un" i "governante"), anke el biervo uzado puede ser diferente, komo rey o reina, emperador o emperatrisa, negus, voivoda, Gran duko, emir, sultan, maarahá, prens khan, zar o kaiser.

En kolor blu los payises aktualos kon monarkiya.

Korona imperiala vietnameza.

El titolo de monarka es eredado komo kualunke otro titolo novle; ansi, en la muestra kultura se dize ke es eredado de padre a ijo, ma el primer ijo es el kualo ereda el titolo, i primero el ijo ke la ija. En alkunos payises, komo Fransia, egziste la ley salika, ke no permete ke las mujeres ereden titolos novles, ma en otros komo Suesia i Dinamarka, si el ijo mayor es mujer, tiene todo el dirito de eredar el titolo.

Oy en diya, la mayor parte de las monarkiyas son konstitusionala i no absolutas; en las primeras egziste una konstitusion i un sistem de divizyón de puederes kon un parlamento kon membros eskojidos por los sitizenos. En las absolutas el pueder politiko se topa en las manos del monarka.

Ver endemas

• Emperador
• Ley salika
• Monarkiya absoluta
• Monarkiya konstitusionala
• Rey
• Repuvlika