Zumpango (rejion)
From Wikipedia, the free encyclopedia
Remove ads
La Rejion Zumpango es una de las 20 rejiones administrativas del Estado de Meksiko, en Meksiko, se topa al norte del estado de Meksiko, aze frontiera kon el estado de Hidalgo al norte, al este i al oeste, al sud linda kon la Rejion Ecatepec i Rejion Tultitlán, y al oeste kon la Rejion Cuautitlán Izcalli. La su kavesera rejionala o kapitala rejionala es la sivdad de Zumpango de Ocampo.
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Antikamente este territorio formava parte de la Teotlalpan, un territorio konkistado por los aztekos i ande moraron los otomis, kon el partajamiento del estado de Méksiko i estado de Hidalgo, se formo el Distrito de Zumpango dentro del Estado de Meksiko en 1824, ke antikamente era parte del Distrito de Tula.
Remove ads
Etimolojia
La rejion Zumpango adopta el mesmo nombre del kazal de Zumpango de Ocampo, endemas es konyesida tambien komo la XVI rejion de Zumpango, kuyo uzo es ofisialo en los dokumentos estatales i rejionales.
Tzompanco, en lingua orijinaria signifika Lugar de fila de kranios, el orijen del biervo en lingua nahuatl es tzompantli (fila de kranios), i -co (lugar), deriva de una aglutinasion de palavras; el biervo en kastilyano kedo komo Zumpango.
Remove ads
Istoria
La rejion ha sido avitada desde 35,000 anyos a.C. por ombres aborijinalos ke kruzaron por el Estrecho de Bering, prosedentes del Asia. Estos ombres i mujeres eran nómadas, kazaban grandes animales komo mamuts i recolectaban frutos i zarzavates por las evidensias arkeolójikas atopadas en este lugar. Uno de los hayazgos más sobresalientes del arte primitivo en América hue enkontrado en el belediye de Tequixquiac, por modre de ayazgo, tomo el nombre del Gueso Sakro de Tequixquiac, el kual no ay utilidad alkuna i ke solo muestra el sentir ideolójiko del artista ke tayó la pieza de gueso de un gamélido aze 22,000 anyos a.K.
Remove ads
Los primeros avitantes dela rejion fueron los otomis, antiko puevlo ke afinko en todo el territorio i desho la su kultura, lingua i el tradision; venidos del norte i afamados por tener a Mixcoatl komo el su Dio, ansina eyos yamados mimixcoas por los tepanekos. Fueron un puevlo gerrero ke pelio e izo gerras kon los aztekos, kriaron arte, gravaron en las piedras de las muntanyas, piktogramas poko desifrados i entendidos, no moravan agrupados, siempre estendidos por las kolinas, vales i serraladas.
La aktual rejion Zumpango era la parte sud dela antika rejion azteka dela Teotlalpan, fue un lugar al norte de Tenochtitlan, ande los aztekos fundaron altepetl o afinkamientos para kontrol militar de los avitantes ke eran sometidos.
Remove ads
Kon la konkista espanyola, la rejion, ke antikamente era parte de la Teotlalpan, fue una zona del virreynato ande afinkaron kripto-djudios de orijin espanyol i portuguez; komo la rejion fue una grande zona ganadera i agrikola de poko muchiguamiento en nifus i de poko interes para el governo del virreynato, era un lugar bueno para ke las personas de orijin djudio fraguaran sus kazas, ranchos i finkas por modre i lisensia dela kilisia katolika. El Santo Oficio, djuzgo personas iberikas de esta rejion por sospechas de praktikas djudias en Zumpango, Santa María Cuevas, Tlapanaloya, Ajoloapan, Tequixquiac, Pérez de Galeana y en Hueypoxtla.
Jeografia
La rejion Zumpango topa al norte del estado de Meksiko, es una entre la Vale del Mezquital i el Vale de Meksiko.
El Lago de Zumpango es el mayor puerpo de agua de la rejion, es alimentado delas aguas del Vale de Meksiko, i abasha azia el Vale del Mezquital uniendose kon el Rio Tula del estado de Hidalgo, en el su paso por la rejion, es yamado komo Grande Kanal de Desague de la Sivdad de Meksiko. Ay rios ke kruzan la rejion, el Rio delas Avenidas de Pachuca yega azta el Lago de Zumpango, el kanal de Santo Tomás, ke une kon el Lago de Guadalupe, el Rio Salado e Hueypoxtla, ke une kon el Grande Kanal de Desague en Tequixquiac.
Governo i administrasion
 |
Organizasion territoriala
La rejion es apartajada en 7 belediyes.[1] Los belediyes mas antikos zon Hueypoxtla, Tequixquiac, Zumpango i Nextlalpan, estos fueron kreados enjunto kon el estado de Meksiko, en tiempos de la gerra de independensia basho la Konstitusion de Cadiz, luego se kreo el belediye de Jaltenco por disputas kon Nextlapan, para aktivar la industria dela cal se krea el belediye de Apaxco i el belediye mas muevo i kreado en anyos resientes es Tonanitla.
La kapital rejional es la sivdad de Zumpango de Ocampo, sede dela diputasion rejional; ma kada belediye konta kon una kavesera o kapital, lokalidad ande se topa el governo de los sus konseshos o ajuntamientos. Endemas kada belediye konta kon un bando de polizia i buen governo para normar a los avitantes.
Remove ads
Diputasion
.svg){kind=small}
.svg){kind=small}
Remove ads
Infraestruktura
Komunikasion i transporte
La Rejion Zumpango konta kon una rede de estradas kue kovren un elevado porsentaje del territorio rejional, mesmamente es aprovechado por la una grande kantidad de linyas de autobusos kue konektan kon munchos belediyes del estado. La Rejion Zumpango tyene un ayroporto lokalo o baza militar ke konekta kon ayroportos del paiz, es yamada la Base Aérea de Santa Lucía.
Ekonomia
Al norte de la rejion topa la Kuenka del Ormigon, en el belediye de Apaxco, ensina komo las kaleras i pedreras para el negosio del fraguado.
La rejion toda dentro del programa turiziko, Esplendor Otomi, es una rejion ke komienza a tener afluensia de visitas ajenas i nasionales.
Demografia
Relijion
La mayorita de la povlasion dela rejion es kristiana katolika, la rejion pertenese a la Diosesis de Cuautitlán, ay 12 parrokias y munchas kapiyas de kulto katoliko en todos los belediyes. Los katolikos konservan el tradision ansina desde la kolonia espanyola, fue en su orijin a la fuerza kon los indijenas otomis i los muevos kristianos, ma oy en dia es por aseptasion propia.
En denantes, avia aki munchos krito-djudios ke ayegaron i afinkaron desde la kolonia espanyola venidos de Espanya i Portugal, el djudaizmo se pedio purke los sefaraditas trokaron kreyesias azia el kristianismo, ma ay kostumbres de orijin djudio en alkunas famiyas de la rejion misturadas kon el kristianismo. Oy en dia no se sabe kuantos djudios ay en la rejion, ma la mayorita zon de ritos ashkenazis i no zon mas de 50 kreyentes en todos los belediyes de la rejion.
Hazinura
Ay en esta rejion un ospital de espesialidades, el kual topa en la sivdad de Zumpango de Ocampo, en la zona urbana yamada komo la La Trinidad. Endemas ay un ospital jereatriko del govrno del estado, un ospital de Seguro Sosial i muncha klinikas para la hazinura en toda la rejion, tanto publikas komo privadas.
Remove ads
Edukasion
La rejion konta kon una universita publika, ay aki el kampus de la UAEM de Zumpango.
Kultura
El Sinyor dela Kapiya es un imej de Kristo, ke se venera en Santiago Tequixquiac, ay una fyesta en la su onra kada anyada.
Espor
El fútbol es el spor más practicado en la rejión. En la región egziste solo equipos de tercera división a nivel nasional.
El béisbol es otro de los deportes que más se practica en Zumpango, de echo ay una liga rejional categoría libre con más de 40 equipos i también hay ligas infantiles i de sofbol.
La charrería es otros de los esportes djogados en la Rejión Zumpango.
Ver endemas
Referensias
Atamientos eksternos
Wikiwand - on
Seamless Wikipedia browsing. On steroids.
Remove ads