Willem-Alexander

Willem-Alexander (en olandez: [ˈʋɪləm aːlɛkˈsɑndər]; Willem-Alexander Claus George Ferdinand; nasido el 27 de Avril de 1967) es Rey de los Payises Bashos desde el 30 de Avril de 2013. Willem-Alexander nasio en Utrecht kuando su nona maternala, la Reina Juliana, era la reina del payis.

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Komo era el ijo bohor de la Princhipesa Beatrix i el Princhipo Claus, era yamado Princhipo de Orange, komo eredero aparente kuando la su madre era koronada komo Reina de los Payises Bashos el 30 de Avril de 1980. Ambezo en eskolas nasionalas primarias i secundarias en los Payises Bashos, endemas de un lisé internasional en Gales. Fue askier en la Marina Real Neerlandeza, i ambezo istoria en la Universita de Leiden. Se espozo kon la manseva ardjentina Máxima Zorreguieta Cerruti en 2002, i tienen tres ijas: Catharina-Amalia, Alexia, i Ariane. Willem-Alexander troko a su madre komo rey del payis dispues ke eya renunsiara al trono el 30 de Avril de 2013. Es el primer Rey desde la muerte de biznono William III en 1890, deke los tres shefes de la Kaza Reala sigintes —su biznona Wilhelmina, su nona Juliana i su madre Beatrix— son todas mujeres.

Ikono de esbozo

Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.