Chaos (Mythologie)
From Wikipedia, the free encyclopedia
De Chaos (Griichesch χάος, cháos) ass an der griichescher Mythologie ee Weltzoustand, dee komplett duercherneen an ongeuerdnet ass, aus dem ganz am Ufank verschidde Gëtter entstane sinn.
Aus dem Chaos sinn d'Nyx an den Erebos entstanen; anere Versiounen no d'Gaia, den Eros an den Tartaros (kuckt ënner "Schëpfungsmythos").
Geographesch ass Chaos eng déif Biergschlucht um Peloponnes, vergläichbar mat der Ur-Schlucht Ginnungagap aus der nordescher Mythologie.