Orgelbüchlein
From Wikipedia, the free encyclopedia
D'Orgelbüchlein vum Johann Sebastian Bach ass eng Sammlung vu choralgebonnenen Uergelstécker (Choralvirspiller), déi hie wärend senger Zäit zu Weimar komponéiert huet. D'Orgelbüchlein ëmfaast 46 Choralvirspiller (BWV 599–644), vun deenen eent net vollstänneg ass. Dem Bach säin Originaltitel war:
- Orgel = Büchlein
- (mit 46 ausgeführten Chorälen)
- Worinne einem anfahenden Organisten
- Anleitung gegeben wird, auff allerhand
- Arth einen Choral durchzuführen, an-
- bey auch sich im Pedal studio zu habi-
- litiren, indem in solchen darinne
- befindlichen Choralen das Pedal
- gantz obligat tractiret wird.
Allerdéngs sinn d'Chorale vum Orgelbüchlein net als progressiivt Léierwierk ze verstoen, well si sinn net no Schwieregkeetsgrad mä no Kierchejoer zortéiert. An der Originalausgab existéieren tëscht de Choralvirspiller eng gutt Partie eidel Säite mat den Ufankszeile vum Text vu weidere Choralen. Am Ganzen hat de Bach 164 Chorale geplangt.