Pierre-Éloi Schoué

De Pierre-Éloi Schoué, gebuer den 9. September 1849 zu Konsdref, a gestuerwen den 11. September 1919^[1], war e lëtzebuergeschen Apdikter, Botaniker, a Politiker.

Pierre-Éloi Schoué
Gebuer	9. September 1849 Konsdref
Gestuerwen	11. September 1919 Köln
Nationalitéit	Lëtzebuerg
Aktivitéit	Politiker, Apdikter
Fonctioun	Buergermeeschter

D'Perlia-Adptikt op der Eecher Plaz.

Hien hat 1874^[2] déi Eecher Apdikt op der Eecher Plaz vum Jean Meyer iwwerholl, a wéi en 1890^[2] opgehalen huet, huet en se un de Xavier Perlia weiderverkaaft. D'Apdikt huet deem säin Numm nach bis Enn vun den 2010er Jore behalen.

Vun 1888 u war hie Buergermeeschter vun der deemoleger Gemeng Eech, bis en 1911 ofgesat gouf, well en d'Ausféierungsbestëmmungen net genee genuch agehalen hat^[1]. Hie war vun 1902 bis 1908 Deputéierten an der Chamber.

Als Undenken un de Schoué ass 1959 eng Strooss um Kierchbierg no him genannt ginn: d'Rue Pierre-Éloi Schoué^[3].

Referenzen an Notten

1. (de) Was bedeuten die Straßennamen der Stadt?. Ons Stad (Henri Beck, Bruno Baltzer). Gekuckt de 06.06.2020.
2. Perlia Eich / Luxembourg. industrie.lu. Gekuckt de 06.06.2020.
3. (fr) rue Pierre Eloi Schoué. www.archives-vdl.findbuch.net Archivéiert de 06.06.2020. Gekuckt de 06.06.2020.