Stärekoup
From Wikipedia, the free encyclopedia
E Stärekoup ass e Gebitt mat enger héijer Dicht vu Stären am Verglach zum Nopeschberäich. D'Däitlechkeet vun hirer Konzentratioun géintiwwer dem Stär-Hannergrond kann awer ganz verschidde sinn. D'Stäre vun engem Koup gehéiere meeschtens an deem Sënn zesummen, datt si och zesummen entstane sinn. Et ënnerscheet een Oppe Stärekéip a Kugelstärekéip. Stärekéip si wichteg fir d'Erfuerschung vun der Stärenentwécklung, well all Stären en änlechen Alter hunn. Ausserdeem sinn s'a bal der selwechter Distanz zu eis, wouduerch d'Interpretatioun vu Miessunge méi sécher gëtt.