Thrombozyt

Thrombozyten oder Thrombocyten, ëmgangssproochlech och Bluttplacketten oder Bluttplättercher genannt, sinn déi klengst Komponenten am Blutt vun de Wierbeldéieren. Si ginn am Réckemuerch produzéiert a si keng vollstänneg Zelle méi, mee just Fragmenter. Hir Liewensdauer am Bluttkreeslaf läit beim Mënsch bei ongeféiert aacht bis 10 Deeg. D'Bluttplättercher ginn an der Mëlz an an der Liewer ofgebaut.

Bluttplättercher ënnert dem Mikroskop.

Bluttplacketten hëllefen dobäi, Bluddungen ze stoppen. Wann e Bluttgefääss verletzt gëtt, hänke si sech un d'Wonn an uneneen, sou datt d'Ëffnung an där Oder zougemaach gëtt. Dobäi sënnere si Stoffer of, déi d'Coagulatioun ënnerstëtzen an den Heelungsprozess a Gang setzen.

Kuckt och

• Wäiss Bluttkierpercher
• Rout Bluttkierpercher

Um Spaweck

Commons: Thrombozyt – Biller, Videoen oder Audiodateien