CS Gréiwemaacher

Den CS Gréiwemaacher (offiziell C.S. Grevenmacher) ass e lëtzebuergesche Foussballclub zu Gréiwemaacher.

CS Gréiwemaacher
Offiziellen Numm:	Club Sportif Grevenmacher
Veräinsfaarwen:	Blo
Grënnung:	August/Oktober 1908, offiziell: 1909
Stadion:	Op Flohr, Gréiwemaacher
Plazen:	4 000
President:	Guy Fusenig
Trainer:	Luc Muller
Liga:	Éirepromotioun (II)
Saison:	2022/23
Positioun:	12. Plaz
Éischt Uniform Zweet Uniform Ersatzuniform

Geschicht

Den CSG gouf tëscht August an Oktober 1908 als Stade Mosellan Grevenmacher gegrënnt an ass d'Joer drop Member an der Federatioun ginn. 1914 krut de Veräi säin haitegen Numm. D'éischt Härenekipp vu Gréiwemaacher war tëscht 1994 an 2002 siwe vun néng Kéiere Lëtzebuerger Vizechampion ier et dunn an der Saison 2002/2003 fir de Champion duergaangen ass. Déi Maacher hunn dat Joer souguer nach den Doublé gepackt andeems se d'Coupe de Luxembourg gewonnen hunn. D'Coupe hu si dräi weider Kéiere gewonnen.

Den CSG spillt seng Matcher am Stade op Flohr zu Gréiwemaacher. De Stade huet Plaz fir 4.000 Leit, dovu 500 Sëtzplazen op der gedeckter Tribün.

Nationaldivisioun bis 1. Divisioun

Den CSG huet onënnerbrach vun 1985 bis 2016 an der héchster lëtzebuergescher Fussballdivisioun gespillt. Aktuell spillt de Miseler Veräin awer an der 1. Divisioun. An der Saison 2015/16 huet den C.S.G. no 31 Joer missen aus der ierwegter Nationaldivisioun ofsteigen. An der Eierepromotioun konnt ee sech awer och net laang behaapten. Wärend der Saison 2016/17 huet ee sech am Barragematch Eierepromotioun/1. Divisioun 2 zu 0 géint Minerva Lëntgen behaapt a konnt soumat nach mat vill Gléck an der Divisioun bleiwen. Déi Saison drop ass et awer op direktem Wee Richtung 1. Divisioun gaangen.

Nationale Palmarès

Lëtzebuerger Championnat:

• Champion (1x): 2003
• Vizechampion (7x): 1994, 1995, 1996, 1997, 2000, 2001, 2002

Coupe de Luxembourg:

• Gewënner (3x): 1995, 1998, 2003
• Finalist (4x): 1951, 1953, 1954, 1959

Europäesch Kompetitiounen

Gréiwemaacher war 2004 no drun eng Ronn am UEFA Intertoto Cup (UI Cup) géint d'Finne vun Tampere virun ze kommen. Nodeem zweemol gläichgespillt gouf (1-1, 0-0), huet den CSG wéinst der Auswäertsgoalreegel um Enn awer de kierzere gezunn.

Saison	Kompetitioun	Ronn	Land	Club	Resultat
1994/95	UEFA Cup	Q		Rosenborg Trondheim	1-2, 0-6
1995/96	EP Pokalgewënner	Q		KR Reykjavik	3-2, 0-2
1996/97	UEFA Cup	VQ		Dinamo Tiflis	0-4, 2-2
1997/98	UEFA Cup	VQ		Hajduk Split	1-4, 0-2
1998/99	EP Pokalgewënner	Q		Rapid Bukarest	2-6, 0-2
2000/01	UEFA Cup	Q		HJK Helsinki	1-4, 2-0
2001/02	UEFA Cup	Q		AEK Athen	0-6, 0-2
2002/03	UEFA Cup	Q		Anorthosis Famagusta	0-3, 2-0
2003/04	Champions League	Q		FK Leotar Trebinje	0-0, 0-2
2004	UI Cup	1R		Tampere United	1-1, 0-0
2006	UI Cup	1R		FC Nitra	2-6, 0-6
2008/09	UEFA-Pokal	Q		FH Hafnarfjörður	2:3, 1:5
2009/10	Europa League	Q		Vėtra Vilnius	0:3, 0:3
2010/11	Europa League	Q		FC Dundalk	3:3, 1:2

{{{1}}}

Um Spaweck

• (fr) (de) Websäit vum CS Gréiwemaacher