CFL 800

D'CFL 800 war eng Serie vu sechs dieselelektresche Lokomotiven déi d'CFL 1954 ugeschaaft hat. Se waren haaptsächech am Rangéierdéngscht an der Minettsgéigend aktiv a goufe just geleeëntlech fir d'Tractioun vu Gidderzich agesat. Wéi 1982 déi nei Rangéiergare vu Beetebuerg a Betrib geholl gouf, goufen déi meescht dervun do beschäftegt.

CFL 800

Déi restauréiert 804 an der Gare vu Lëtzebuerg am Oktober 2013
Constructeur	AFB vu La Croyère
Bedreiwer	CFL
Baujoer	1954
Numeréierung	801 - 806
Stéckzuel	6
Technesch Detailer
Ass en(g)	dieselelektresch Lokomotiv
Bauaart	Bo'Bo'
Dreifrad ø	1050 mm
Spuerbreet	Normalspuer
Déngschtmass	74 to
Motor	EMD 567 (V8) mat Roots-Gebléis
Fabrikant	EMD (General Motors)
Leeschtung	800 PS
Kraafttransmissioun	elektresch
Längt iwwer Puffer	13,795 m
Breet	3,115 m
Maximal Achselaascht	18,5 to
Héchstvitess	80 km/h
Maximal Dauerleeschtung	800 PS

D'CFL 804 an der Gare Lëtzebuerg am Oktober 2013

Se ware vun 801 bis 806 numeréiert. Speziell un där Lokomotiv ass, datt et dee Modell an Europa nëmmen um lëtzebuergeschen Eisebunnsnetz gouf. D'Lokomotiv hat sech vun Ufank un als zouverlässeg a robust ervirgedoen, soudatt d'CFL, déi amgaange war déi lescht mëttelschwéier Damplokomotiven auszerangéieren, nach 13 Stéck wollt nobestellen. Well déi franséisch Firma Brissoneau & Lotz awer eng besser Präisoffer hat wéi d'AFB, krut déi den Zouschlag fir déi Liwwerung. Dat waren dunn déi 13 Nénghonnerter vun der Serie 850/900

Kuckt och

• Lëscht vun de Lokomotiven, Lokotrakteren, Automotricen an Autoraile bei der CFL

Um Spaweck

Commons: CFL 800 – Biller, Videoen oder Audiodateien

• D'Série CFL 800 op der Websäit vu rail.lu