Charles Collart

De Charles Collart, gebuer den 12. Februar 1829 zu Dummeldeng, a gestuerwen de 15. Juni 1910 am Dummeldenger Schlass^[2], war Schmelzhär zu Dummeldeng.^[3] Hien huet am Dummeldenger Schlass gelieft.

Charles Collart
Gebuer	12. Februar 1829 Dummeldeng
Gestuerwen	15. Juni 1910 Dummeldenger Schlass
Nationalitéit	Lëtzebuerg
Aktivitéit	Politiker, Schmelzhär
Fonctioun	Deputéierten an der Lëtzebuerger Chamber
Gielercher	Officier vum Ordre de la couronne de chêne
Famill
Papp	Charles Joseph Collart
Geschwëster	Jules Collart

Seng Grafplack^[1] um Kierfecht zu Weimeschkierch.

Hie war Schäffe vun der Gemeng Eech a spéider Deputéierten an der Chamber vun 1854 bis 1856 an duerno vun 1867 bis 1896^[4].

Mat sengem méi jonke Brudder Jules huet hien d'Gesellschaft Charles & Jules Collart gegrënnt, déi 1856 d'Stengeforter Schmelz iwwerholl huet. D'Gesellschaft huet och Minièren zu Esch-Uelzecht exploitéiert.

 Méi Informatioun doriwwer am Artikel: Al Schmelz.

De 17. Mee 1854 gouf hien zu Walfer mat der Henriette d'Anethan (1832-1908) bestuet.

1872 waren de Charles Collart a säi Brudder, grad ewéi den Thomas Byrne, Matgrënner vun der Société des hauts-fourneaux de Rodange. 1884 war hie President vum Verwaltungsrot.

No sengem Doud gouf d'Gesellschaft a Jules Collart & Cie ëmbenannt.

Seng Eltere waren de Jean Carl Joseph Collart (1775-1841) an d'Anne-Marie Laval (1801-1882).

Gielercher

• Officier vum Ordre de la couronne de chêne (Promotioun 1874)^[5]

Kuckt och

• Collart (Famill)

Referenzen an Notten

1. Wou hien da Charles-Joseph heescht...
2. Doudesannonce vum Charles Collart. viewer.eluxemburgensia.lu 3. L'Indépendance luxembourgeoise (16.06.1910). Gekuckt de 06.09.2025.
3. "Né le 12 février 1829 - Dommeldange (Gd-Duché-du-Luxembourg) / Décédé le 15 juin 1910, à l'âge de 81 ans / Maitre de forges au Luxembourg / Parents: Charles-Joseph COLLART de DOMMELDANGE 1775-1841 & Anne-Marie LAVAL 1801-1882 / Marié le 17 mai 1854, Walferdange (Gd-Duché-du-Luxembourg), avec Henriette d'ANETHAN 1832-1908" Text vu geneanet.org
4. Nicolas Als, Robert L. Philippart:Liste alphabétique des députés (1842-1994) La Chambre des Députés, Histoire et Lieux de Travail, Chambre des Députés du Grand-Duché de Luxembourg, 1994, S. 512-513
5. (fr) Avis. — Ordres de la Couronne de chêne et du Lion d’or de Nassau.. viewer.eluxemburgensia.lu 3. Mémorial (08.08.1874). Gekuckt de 06.09.2025.