Firma

Als Firma bezeechent ee fir gewéinlech en a juristesch definéierter Form organiséierten Ensembel vu mënschlechen a materielle Moyenen, déi ënner enger ekonomescher Direktioun zesummewierke fir e wirtschaftlecht Zil z'erreechen. Et handelt sech also an anere Wierder ëm eng wirtschaftlech Entreprise déi als Gesellschaft exploitéiert gëtt.

Am däitschen Droit ass de Begrëff vun der Firma dogéint mat enger eegener Definitioun besat a steet do fir den Numm ënner deem eng Persoun eng kommerziell Aktivitéit ausübt.