Haus dat danzt

D'Haus dat danzt (Tschechesch: Tančící dům) ass de Spëtznumm vun engem Bürosgebai am dekonstruktivistesche Stil zu Prag am historesche Quartier Neistad (Nové Mesto). Et gouf vum kroatesch-tschecheschen Architekt Vlado Milunić, zesumme mam US-Kanadier Frank Gehry, entworf.

Haus dat danzt

Land	Tschechesch Republik
Gemeng	Prager Neustadt
Koordinaten	50°4'32"N, 14°24'51"O
Architekt(en)	Vlado Milunić, Frank Gehry
Datum vum Bau	1996

Ginger a Fred

D'Gebai steet um Rašín-Quai (Rašínovo nábřeží) laanscht d'Vltava, op der Plaz vun engem Haus, dat am Zweete Weltkrich zerstéiert gouf. D'Bauaarbechten hunn 1994 ugefaangen a waren 1996 fäerdeg. Et gehéiert der ING Grupp.

Wéi et gebaut gouf, war et wéinst senger radikaler Modernitéit kontroverséiert; ee vun deenen, déi em d'Partie gehalen hunn, war de Staatspresident Václav Havel, dee laang niewendru gewunnt hat.

Ursprénglech hat d'Gebai den Numm Ginger a Fred, no den Dänzer Ginger Rogers a Fred Astaire, well d'Gebai enger Koppel gläicht, déi danzt. Den aktuelle "Spëtznumm" dréckt dat och aus.

Um Spaweck

Commons: Dancing House – Biller, Videoen oder Audiodateien