Isaac Newton

De Sir Isaac Newton [ˌaɪzək ˈnjuːtən], gebuer de 25. Dezember 1642^jul./ 4. Januar 1643^greg. zu Woolsthorpe bei Colsterworth am Lincolnshire, a gestuerwen den 20. Mäerz 1726^jul./ 31. Mäerz 1727^greg. zu Kensington, war en englesche Physiker, Mathematiker, Astronom, Alchemist, Philosoph an Theolog.

Isaac Newton
Gebuer	25. Dezember 1642 jul. Woolsthorpe Manor
Gestuerwen	20. Mäerz 1727 jul. Kensington
Nationalitéit	Kinnekräich England, Kinnekräich Groussbritannien
Educatioun	The King's School, Trinity College, Trinity College, Universitéit vu Cambridge
Aktivitéit	Mathematiker, Philosoph
Droits d'auteur	Droits d'auteur sinn ofgelaf
Fonctioun	Lucasesche Léierstull fir Mathematik
Member vun	Royal Society
Gielercher	Knight Bachelor
Famill
Papp	Isaac Newton
Mamm	Hannah Ayscough

Den Isaac Newton (Godfrey Kneller, National Portrait Gallery London, 1702)

Hie war den Entdecker vun den Interferenzréng, de Gesetzer vun der Mechanik vum Newton an der allgemenger Gravitatiounstheorie, an huet net nëmmen d'Planéitebeweegungen an d'Gravitatioun tëscht de Kierperen erfuerscht, mä och d'Natur vum Liicht. Dobäi huet hie bewisen datt mat engem Prisma d'Liicht sech a seng Spektralfaarwe vu rout bis violett opsplécke léisst.

E bësschen aus sengem Liewen

• 1669 war hie Mathematiksprofesser op der Universitéit vu Cambridge an England.
• 1699 koum hien op London
• 1703 ass hie President bei der Royal Society ginn.
• Hie gouf an der Abtei vu Westminster bäigesat. Säi Grafmonument gouf vum engleschen Architekt William Kent gezeechent, a vum franséische Sculpteur Louis-François Roubillac realiséiert.

Hien ass ee vun de gréissten Naturwëssenschaftler.

Gravitatiounstheorie

Kuckt heizou och den Haaptartikel: Gravitatiounsgesetz

Den Newton huet an den "Philosophiae Naturalis Principia Mathematica", d'Gesetz vun der Gravitatioun ofgeleet an doduerch de Beweis geliwwert vun de Gesetzer vum Kepler iwwer d'Planéitebeewegungen. Enn vum 17. Joerhonnert huet den Newton seng Allgemeng Gravitatiounstheorie verëffentlecht.

Den Teleskop

Den Newton huet 1670 den éischte Spigelteleskop erfonnt. Et war en 30 cm laange Rouer wou d'Liicht mat Spigelen gebëndelt gouf. Doduerch gouf et keng Stéierunge méi an de Faarwen, wéi et bis dohi mat normale Lënsen de Fall war.

Seng Wierker

• Method of Fluxions (1671)
• De Motu Corporum in Gyrum (1684)
• Philosophiae Naturalis Principia Mathematica London (1687)
• Opticks London (1704)
• Arithmetica Universalis Cambridge (1707)
• Analysis London (1711)

No sengem Doud goufen dës Wierker verëffentlecht:

• Short Chronicle
• The System of the World
• Optical Lectures
• Universal Arithmetic
• The Chronology of Ancient Kingdoms, Amended
• De mundi systemate
• An Historical Account of Two Notable Corruptions of Scripture (1754)

Kuckt och

• Lëscht vu Physiker

Um Spaweck

Commons: Isaac Newton – Biller, Videoen oder Audiodateien