Josef Stübben

Den Hermann Josef Stübben, gebuer den 10. Februar 1845 zu Hülchrath bei Düsseldorf an der preisescher Rhäinprovënz, a gestuerwen den 8. Dezember 1936 zu Frankfurt um Main, war en Architekt, Urbanist an Auteur vu Fachbicher.

Josef Stübben
Gebuertsnumm	Hermann Josef Stübben
Gebuer	10. Februar 1845 Hülchrath
Gestuerwen	8. Dezember 1936 Frankfurt am Main
Nationalitéit	Däitschland
Educatioun	Berliner Bauakademie
Aktivitéit	Architekt, Urbanist
Droits d'auteur	Droits d'auteur sinn ofgelaf
Member vun	Akademischer Verein Motiv Berlin
Famill
Kanner	Oskar Stübben

Stadentwécklungsplang vun Esch-Uelzecht, 1924-25.

Hie war Oberbaurat zu Köln an hat der d'Stad Lëtzebuerg Projeten (Urbaniséierungs- an Nivellementspläng souwéi Zeechnungen) proposéiert, fir de Plateau Bourbon an de Lampertsbierg z'amenagéieren^[1].

Och fir d'Stad Esch-Uelzecht huet hie Mëtt der 1920er Joren e Plang ausgeschafft, wéi dës sech no Norden hin ausbreede kéint, fir bis zu 60.000 Awunner Plaz bidden ze kënnen.

Literatur

• Philippart, R., 2007. Luxembourg. Historicisme et identité visuelle d'une capitale. 207 S. éditions saint-paul. ISBN 978-2-87963-694-8, S. 59
• Lorang, Antoinette, 1988, Plateau Bourbon und Avenue de la Liberté: Späthistoristische Architektur in Luxemburg. Vol. CIII, PSH, S. 303

Referenzen

1. Luxemburger Lexikon S.411