Kuelpabeier

Kuelpabeier, och Karbon- oder Fuschpabeier oder Pauspabeier, si speziell Blieder, déi gebraucht ginn, fir beim Schreiwe gläichzäiteg eng Kopie ze fabrizéieren. Fuschpabeier huet dofir op der hënneschter Säit eng dënn Couche Faarf (fréier war dat Kuelestëbs), déi sech duerch den Drock op der viischter Säit lassmécht.

Dësen Artikel beschäftegt sech mat "Fuschpabeier" am Sënn vum "Kuelpabeier". Fir aner Bedeitunge vu "Fuschpabeier", kuckt wgl. Fuschpabeier.

Dofir gëtt ënner dat éischt Blat, op dat ee schreift, e Blat Fuschpabeier geluecht, an do drënner en zweet Blat, op deem sou d'Kopie entsteet.

Ier et Fotokopiesmaschinne gouf, war dat eng einfach Méiglechkeet, Kopie vun Texter ze maachen. Et gëtt Fuschpabeier a verschiddene Faarwen, déi gängegst si Schwaarz (fir Schreifmaschinn) a Blo (fir Handgeschriwwenes).