Liewewiesen

D'Liewewiese si materiell Objeten op organesch-cheemescher Basis, déi duerch e Saz vu Kennzeeche beschreifbar sinn, déi als noutwenneg fir d'Liewe betruecht ginn. E Liewewiesen gëtt och en Organismus genannt.

Liewewiesen
Klassesch Klassifikatioun
Klassifikatioun: Liewewiesen
Domäner
Eukaryoten Archaeën Bakteerien

Liewewiese stamen ëmmer vun anere Liewewiesen of (mat Ausnam vum eemolegen Entstoe vum Liewen).

D'Biologie befaasst sech wëssenschaftlech mat alle bekannte Liewewiesen, hiren Ofwandlungen a Virleefer.

Struktur an Zesummesetzung

Eent vun de wichtegste Kennzeeche fir d'Liewewiesen ënnereneen z'ënnerscheeden ass den Opbau vun hiren Zellen. D'Prokaryota hu meeschtens kee richtegen Zellkär an eng einfach Struktur. D'Eukaryota hu minimum een echten Zellkär, e komplizéierte Membransystem an ënnerschiddlech Zellorganellen.

Mat der geneeër Andeelung an de Verwandschafte beschäftegt sech d'Systematik an d'Taxonomie.

Systematik

• Eukaryonten
  • Déiereräich
  • Planzeräich
  • Pilzeräich
  • Protisten
• Archaeën
• Bakteerien

Kuckt och

• Geentechnesch verännerten Organismus

Um Spaweck

• The Tree of Life

Commons: Organisms – Biller, Videoen oder Audiodateien