Mëttelgambit
Schacherëffnung From Wikipedia, the free encyclopedia
Remove ads
D'Mëttelgambit ass eng Erëffnung vum Schachspill. Se zielt zu den Oppene Spiller an ass an den ECO-Coden ënner de Schlësselen C21 an C22 klassifizéiert.
A méi ale Schachpublikatioune fënnt een och d'Bezeechnung „Mëttelspill“ amplaz vu „Mëttelgambit“. Dës Bezeechnung ass allerdéngs am Schachvokabular méideiteg: Mëttelspill (Schach) bezeechent och d'Spillphas no der Erëffnung. An der Schachliteratur huet sech mëttlerweil d'Benennung „Mëttelgambit“ duerchgesat, obwuel Wäiss an den Haaptvarianten no 3. Dxd4 kee Bauer affert an doduerch kee Gambit spillt. Richteg Gambitvarianten entstinn zum Beispill no 3. c3 oder no dem seelenen 3. f4.
D'Mëttelgambit fänkt mat de follgenden Zich un:
- 1. e4 e5
- 2. d4
Dës Stellung kann theoreetesch och iwwer d'Englund-Gambit entstoen (1. d4 e5 2. e4), allerdéngs wäert Wäiss an deem Fall éischter 2. dxe5 spillen.
Remove ads
Varianten
Schwaarz ka mat 2.... Sc6 an d'Nimzowitsch-Verdeedegung iwwergoen, mä dee bei Wäitem heefegsten Zuch ass 2.... exd4, wourop Wäiss mat 3. c3 an d'Nordescht Gambit iwwergoe kann. Onofhängeg Varianten entsinn no 3. Dxd4 a jee nodeem, wéi Schwaarz äntwert, och no 3. Sf3 a 3. Lc4.
3. Dxd4
- 1. e4 e5 2. d4 exd4 3. Dxd4
No 3. Dxd4 entwéckelt Schwaarz meeschtens säin Dammesprénger mat Tempogewënn. No 3.... Sc6 féiert 4. Da4 zur Skandinavescher Verdeedegung mat vertauschte Farwen a Méitempo fir Wäiss. D'Haaptvariant vum Mëttelgambit ass 4. De3, wourop déi heefegst schwaarz Zich 4.... Sf6, 4.... g6 a 4.... Lb4+ sinn.
3. Sf3
- 1. e4 e5 2. d4 exd4 3. Sf3
No 3. Sf3 huet Schwaarz eng ganz Rei Transpositiounsméiglechkeeten. 3.... Sc6 féiert zur Schottescher Partie, 3.... d6 zur Philidor-Verdeedegung a 3.... Sf6 zur Steinitz-Variant vun der Russescher Verdeedegung. Aner Zich fir Schwaarz si 3.... Lb4+ a 3.... Lc5.
3. Lc4
- 1. e4 e5 2. d4 exd4 3. Lc4
Och no 3. Lc4 geet d'Partie dacks an eng aner Erëffnung iwwer. No 3.... Sf6 ass d'Urusov-Gambit erreecht an no 3.... Sc6 4. Sf3 d'Schottescht Gambit.
Aner Zich
- 3. f5?! féiert zum Halasz-Gambit.
Remove ads
Kuckt och
Wikiwand - on
Seamless Wikipedia browsing. On steroids.
Remove ads