Monochloromethan

Monochloromethan ass e chloréierte Kuelewaasserstoff mat der Formel CH₃Cl. Et ass ee vun de véier chloréierten Derivatsprodukte vum Methan.

Monochloromethan
Systemateschen Numm (IUPAC)	Monochloromethan
Trivialen Numm	Methylchlorid, Chlormethan
Cheemesch Formel	CH3Cl
Ausgesinn / Geroch	Faarflose Gas, etheresche Geroch
Eegenschaften
Dicht	2.22
Léislechkeet	5.3 g/l (am Waasser)
Agregatzoustand	gasförmeg
Molmass	16,04 g/mol
Schmëlzpunkt	-182,5 °C
Kachpunkt	-161,7 °C
Dampdrock	490 kPa (20 °C)
Thermodynamesch Daten
Standard Formatiounsenthalpie ΔfH0	–83.68 KJ·mol−1
Standardentropie S0	234.36 J·K−1·mol−1
Verbrennungsenthalpie ΔcH0	–764.0 KJ·mol−1
Weideres
Änlech Moleküllen	Dichloromethan Trichloromethan Tetrachloromethan
Cheemesch Famill	Chlorkuelewaasserstoffer

Physikalesch Eegenschaften

Monochloromethan ass e Gas, deen zu enger Flëssegkeet ka kompriméiert ginn. En huet keng Faarf a richt no Ether.

Hierstellung

Monochloromethan entsteet beim Erhëtze vu Chlor a Methan op 400–500 °C. Bei dëser Temperatur kënnt et zu enger gradueller Substitutioun vum Waasserstoff duerch de Chlor:

${\displaystyle \mathrm {CH_{4}+Cl_{2}\longrightarrow CH_{3}Cl+HCl} }$ (Monochloromethan)

${\displaystyle \mathrm {CH_{3}Cl+Cl_{2}\longrightarrow CH_{2}Cl_{2}+HCl} }$ (Dichloromethan)

${\displaystyle \mathrm {CH_{2}Cl_{2}+Cl_{2}\longrightarrow CHCl_{3}+HCl} }$ (Trichloromethan)

${\displaystyle \mathrm {CHCl_{3}+Cl_{2}\longrightarrow CCl_{4}+HCl} }$ (Tetrachloromethan)

D'Resultat vum Prozess ass e Gemësch vun deene véier Zorte vu Chloromethan, déi duerch Destillatioun getrennt kënne ginn.

Technesch gëtt Monochloromethan duerch eng Reaktioun tëscht dem Methanol an dem Waasserstoffchlorid gewonnen:

${\displaystyle \mathrm {CH_{3}OH+HCl\longrightarrow CH_{3}Cl+H_{2}O} }$

Uwendung

Fréier ass Monochloromethan als Narkosemëttel benotzt ginn. An der Industrie gëtt Monochloromethan als Léisungsmëttel benotzt. E gëtt och als Kill- an Dreiwmëttel gebraucht. Fir Silikonen hierzestellen, gëtt en als Methyléierungsmëttel geholl. E soll a loftdichte Behältere gelagert ginn.

An der organescher Chimie ass Monochlormethan en Zwëscheprodukt fir aner Substanzen ze produzéieren.

Auswierkungen op d'Gesondheet

Wann ee gréisser Quantitéite vun den Dämp vum Monochloromethan chronesch oder punktuell anotemt, dauchen d'Vergëftungssymptomer dacks no e puer Stonnen op. Dat sinn ënner aneren Dronkenheet, Bauchwéi, Kappwéi, Siichtstéierungen a se kënne bis zum Koma oder zum Doud féieren. Niere-, Liewer- a Gehierschied sinn och méiglech.

Literatur

• Martindale, The Extra Pharmacopoeia, Thirtieth Edition

Um Spaweck

• http://www.seilnacht.com/Lexikon/halkw.html