Virnumm

De Virnumm soll mathëllefen, d'Leit vuneneen z'ënnerscheeden. Bei hirer Gebuert (an/oder Kanddaf) kritt all Persoun een oder e puer Virnimm, wouvun een (heiansdo en duebelen) spéider effektiv benotzt gëtt: de Ruffnumm.

A villen, virun allem a westleche Kulturen, déngt de Virnumm dozou, fir tëscht de Membere vun enger Famill z'ënnerscheeden, am Géigesaz zum Familljennumm, deen d'Zougehéieregkeet zu enger Famill ausdrécke soll.

An deene meeschte Sprooche kënnt de Virnumm virum Familljennumm; d'Ungarn, d'Ost-Asiaten an d'Vietnameese sinn do awer d'Ausnam.

Viraals hunn d'Leit an eiser Regioun de Kanner meeschtens chrëschtlech Virnimm ginn, mä zanter den 1950er Joren hunn anglophon a romanesch Virnimm ëmmer méi u Bedeitung gewonnen. Wat fir e Virnumm schlussendlech e Kand kritt, ass also och zum groussen Deel eng Moudesaach.

Heefegst Virnimm zu Lëtzebuerg

2017-2019

Tëscht 2017 an 2019 waren déi heefegst Virnimm, déi nei gebuere Kanner zu Lëtzebuerg kruten^[1][2]:

Jongen		Meedercher
Gabriel	157	Emma	195
Léo	130	Mia	133
Noah	121	Lena	89
Liam	112	Chloé
Luca	109	Charlotte

2020

Heefegst Virnimm fir d'Joer 2020^[3]:

Jongen	Meedercher
Gabriel	Emma
Liam	Mia
Louis	Sophie
Noah	Alice
Lucas	Lena
Luca	Lea
Felix	Lina
Matteo	Maria
Adam	Eva
Leo	Charlotte

2022^[4]

Jongen				Meedercher
lëtzebuergesch Gebuerten		auslännesch Gebuerten		lëtzebuergesch Gebuerten		auslännesch Gebuerten
Leo	36	Gabriel	27	Mia	28	Emma	25
Liam	33	Lucas	21	Emma	27	Maria	22
Noah	33	Alexander	15	Eva	20	Sofia	20
Louis	24	David	15	Lea	20	Alice	18
Matteo	24	Adam	14	Olivia	19	Chloé	17

2023^[5]

Klassement vun de Virnumm vun den Neigebuerenen 2023

Jongen				Meedercher
lëtzebuergesch Gebuerten		auslännesch Gebuerten		lëtzebuergesch Gebuerten		auslännesch Gebuerten
Leo	41	Gabriel	27	Mia	28	Emma	26
Gabriel	34	Adam	22	Sophie	19	Olivia	25
Liam, Louis, Matteo, Noah	26	Noah	21	Olivia	18	Mia	23
Elias	17	Lucas	18	Chloé, Eva	17	Sofia	22
Lucas, Théo	16	Leonardo	16	Charlotte, Elie, Emma	16	Alice	19

Kuckt och

• Lëtzebuergesch Virnimm

Um Spaweck

• Les Prénom Luxembourgeois^[sic] op lesprenoms.eu/luxembourg, gekuckt den 28.10.2023

Referenzen

1. Les cinq prénoms les plus donnés au Luxembourg." rtl.lu, 14.10.2020, 07:03.
2. Top 3 des prénoms les plus donnés au Luxembourg, France, Allemagne et Belgique | Les Frontaliers. www.lesfrontaliers.lu. Gekuckt den 28.10.2023.
3. (fr) Prénoms les plus donnés au Luxembourg - Portail Open Data. data.public.lu. Gekuckt den 28.10.2023.
4. (fr) Naissances: Les prénoms les plus populaires au Luxembourg. infos.rtl.lu. Gekuckt den 28.10.2023.
5. (fr) François Peltier, Charlie Klein, La démographie luxembourgeoise en chiffres p. 24. Classement des prénoms des nouveau-nés en 2023 (23.10.2024). Gekuckt den 02.11.2024.