Аргентина
From Wikipedia, the free encyclopedia
Аргентина (исп. [arxenˈtina]) тахьайтӀа официал жуьре Аргентинадин Республика (исп. República Argentina [reˈpuβlika aɾxenˈtina]) — Кьиблепатан Америкадин кьиблединни рагъэкъечӀдай пата авай федератив республика я. Аргентинади Кьиблепатан Конусдин чӀехи пай кьунва. Уьлкве кефердин пата Боливиядихъни Парагвайдихъ галаз, кефердинни рагъэкъечӀдай пата Бразилиядихъ галаз, рагъэкъечӀдай пата Уругвайдихъ галаз ва рагъакӀидай пата Чилидихъ галаз сергьятар тухузва. ГьакӀни Аргентинадин къерехар Атлантик океандинни Дрейк проливдин ятари кьунва.
Аргентина República Argentina | |||||||||||
|
|||||||||||
Кьилин шегьер: | Буэнос-Айрес | ||||||||||
Шегьерар: | Буэнос-Айрес, Кордова, Росарио, Ла-Плата | ||||||||||
Аслутуширвал: | 25 чиле 1816 (Испаниядилай) | ||||||||||
ЧӀал: | Испаниядин чӀал | ||||||||||
Гьукуматдин дин: | Хашпара дин (Католицизм) | ||||||||||
Идара авунин тегьер: | Президентдин республика | ||||||||||
Кьил: | Маурисио Макри | ||||||||||
Майдан: | 2 766 890 км² (8-лагьай) | ||||||||||
· Цин кьадар %: | 1,1 | ||||||||||
Агьалияр: | 40 091 359 кас (31-лагьай) | ||||||||||
· Агьалийрин чуькьуьнвал: | 15 кас/км² | ||||||||||
Пул: | Аргентинадин песо | ||||||||||
КъВБ: | 710,69 млрд. $ (21-лагьай) | ||||||||||
· АСКА КъВБ: | 17 500 $ | ||||||||||
ИПВИ: | 0,797 (45-лагьай) | ||||||||||
Домен: | .ar | ||||||||||
Телефондин код: | +54 | ||||||||||
Сятдин чӀул: | -3 |
Гьукуматдин виридан майдан — 2 766 890 км² я. И къалурзавай лишандал гьалтайла Аргентина дуьньяда муьжуьдлагьайди; Латин Америкадани Кьиблепатан Америкада кьведлагьайди я. ГьакӀни чилин майдандин патахъай ам виридалайни чӀехи испан чӀалал рахадай уьлкве я. Аргентинадини ЧӀехибританияди Фолкленд (Мальвин) островрин (ингл. Falkland Islands, исп. Islas Malvinas) суверенитетдин патахъай гьуьжет кьазва. Идалай гъейри Аргентинади Антарктидадин паюнин, Кьиблепатан Георгиядинни Кьиблепатан Сандвич островрин патахъай иддя кьазва.
2010-лагьай йисан агьалияр сиягьдиз къачунин нетижада Аргентинада 40 091 359 кас яшамишзава[1]. И къалурзавай лишандал гьалтайла уьлкве Латин Америкада пудлагьайди ва Кьиблепатан Америкада кьведлагьайди; испан чӀалал рахадай уьлквейрин арада кьудлагьайди[2] я.
Кьилинни виридалайни чӀехи шегьер — Буэнос-Айрес я. Официал чӀал — испан чӀал[3] я. Пулунин тек — аргентинадин песо[4] я.
Аргентина вилик физвай гьукуматриз талукь я , Латин Америкада ва Кьиблепатан Конусда виле аквадай гуж-уьлкве тирди. Аргентина «G-15»-дикни «G-20»-дик ква, адав дуьньяда кьилин экономийрикай сад гва, и къалурзавай лишандал гьалтайла Латин Америкада ам пудлагьайди я.
ГьакӀни уьлкведи СМТ-да, ВБК-да, ВАТ-да, Меркосур-да, КьАМГ-да, ЛАКБГьуКӀ-да, ИАГьуТ-да иштираквал ийизва.
Вичин стабилвилин, базардин кьадардин ва кьакьан дережададин технология квай сектордин пай чӀехи хъхьунин гъиляй[5], инвесторри Аргентина юкьван дережадин вилик фидай экономика ва лап кьакьан инсандин потенциал вилик финин индекс гвай уьлкве хьиз гьисабзава.
Алай чӀавуз Аргентина тӀвар алай областьда авай инсанар аваз хьуникай виридалайни садлагьай малуматар палеолитдин девирдиз талукь я[6]. Испаниядин колонизация 1516-лагьай йисуз гатӀумна — испанар Хуан Диас де Солис кьиле аваз Аргентинадин къерехрал эвичӀна. Аргентина Рио-де-ла-Плата тӀвар алай вице-королвилин (1776-лагьай йисуз диб эцигнавай Испаниядин гьуьлерилай анихъ галай колония) чка кьунвай гьукумат хьиз арадал атана[7].
Декларациядилайни аслутуширвал патал женг чӀугунилай гуьгъуьниз (1810—1818 йй.) яргъал фейи гражданвилин дяве хьана. 1861-лагьай йисуз акьалтӀ хьанвай дяведин нетижада уьлкве провинцияр квай федерациядиз элкъвена, адан кьилин шегьер яз Буэнос-Айрес малумарна.
Гьа чӀавалай — Европадай миграциядин зурба лепейри Аргентинадин медениятдинни демографиядин винел патан акунар масакӀа авурла — Аргентинада саки стӀун тахьай агьаллувилин чӀехи хьун аваз тир — XX-лагьай виш йисан сифте кьиле уьлкве девлетлувал ва вилик финин дережа къалурзавай лишанрал гьалтайла дуьньяда 7-лагьайди тир.
1930-лагьай йисалай кьулухъ, гьакӀ ятӀани, гьакӀни виш йисан юкьвал кьван 15 дуьньядин виридалайни чӀехи агьваллувал авай уьлкведик амаз, Аргентина стабил тушир политикадин гьалдиз ва вахт-вахтунда жедай экономикадин кризисдин гьалдиз гьатнава. Ин стабил туширвили уьлкве вилик тефей гьалдиз кьулухъ чӀугвана.[8]