Æneas Mackay

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Æneas Mackay, 1888.

Æneas baron Mackay (9 november 1838, Nimwege bis 13 november 1909, D'n Haag) waor premier of minister-prizzedent vaan 't Keuninkriek vaan de Nederlen. Heer waor vaan Sjotse komaof en 'nen telg vaan de bekinde Mackay-femilie, die sinds 1815 behuurde tot de Nederlandsen adel.

Heer waor lid vaan de Anti-Revolutionaire Partij, en daomèt d'n ierste premier in Nederland dee neet partijloes waor. Zie premiersjap woort gekenmerk door 't oondergoon vaan de liberaol hegemonie die de 19de-iewse polletiek in Nederland bis deen tied had gekenmerk. Wijer waor zie premiersjap 't begin vaan d'n opkoms vaan de zoegenaomde Rechtse Coalitie die gesteund woort door de Kattelieke en de (veural Prottestante) Anti-Revolutionaire. Dee rechterkant vaan 't polletiek landsjap zou dominant zien in Nederland bis 't ind vaan d'n Twiede Wereldoorlog. Oonder Mackay kroge de ierste religieuze sjaole staotssteun, get wat nog ummertouw kint in Nederland en uniek is in Europa (normaliter kriege in seculaire maotsjappije allein neet-religieuze staotssjaole staotssteun). Väöl sjaole zien nog ummertouw nao häöm verneump.

Heer woort de regeringsleier (veurzitter vaan de Ministerraod) op 21 april 1888. Zien regeringsperiood indegde op 21 augustus 1891.

Lies vaan premiers vaan de Nederlen

Schimmelpenninck · de Kempenaer · Thorbecke I · Van Hall I · Van der Brugghen · Rochussen · Van Hall II · Van Zuylen van Nijevelt (Jacob) – Van Heemstra · Thorbecke II · Fransen van de Putte · Van Zuylen van Nijevelt (Julius) · Van Bosse · Thorbecke III · De Vries Azn · Heemskerk Azn I · Kappeyne van de Coppello · Van Lynden van Sandenburg · Heemskerk Azn II · Mackay · Van Tienhoven · Röell · Pierson · Kuyper · De Meester · Heemskerk · Cort van der Linden · Ruijs de Beerenbrouck I · Ruijs de Beerenbrouck II · Colijn I · De Geer I · Ruijs de Beerenbrouck III · De Geer II · Gerbrandy I · Gerbrandy II · Gerbrandy III · Schermerhorn · Beel · Drees I · Beel II · De Quay · Marijnen · Cals · Zijlstra · De Jong · Biesheuvel · Den Uyl · Van Agt I · Van Agt II · Lubbers I · Lubbers II · Lubbers III · Lubbers IV · Kok I · Kok II · Balkenende I · Balkenende II · Balkenende III · Balkenende IV · Rutte I · Rutte II · Rutte III · Rutte IV · Schoof