8 miert - Keizerin Catharina de Groate van Ruslandj verklaort de gewaopende neutraliteit van häör landj. Zie plaatsj häör hanjelsvloot ónger marinebesjerming en sjtuurt aorlogsbaojems nao de Noordzeë, de Atlantische Oceaan en de Middellandse Zeë. Denemarke en Zjwede sloete zich biej Ruslandj aan.
11 mei - In de Sjeveningse dune wirt de begraafplaatsj Ter Navolging in gebruuk genómme. 't Is de eësjte doajeakker dae boete ein sjtad is aangelag.
12 mei en 16 augustus - Amerikaanse Ónaafhankelikheidsaorlog: De Èngelsje boke euverwinninge in de sjlaag biej Charleston (12 mei) en de sjlaag biej Camden (16 augustus).
19 mei - Euver gans Nuuj Èngelandj vilt eine ónverklaorbaar duusternis. Dees duusternis wirt door sómmige in verbandj gebrach mèt de Biebelse profetie in Amos 8:9.
4 juli - Karel van Lorreinen, landjvoog van de Nederlande euverliejt. Hae wirt later opgevolg door Albert Casimir van Sakse-Teschen.
10 september - De Britse marine entert biej Newfoundland 't Amerikaanse sjeep de Mercury, en arresteert Henry Lawrence. Deze is mèt ein diplematieke en zakelikke opdrach op waeg nao de Repebliek der Verenigde Nederlande. In zien oet 't water opgevösjde pepiere vènje de Britte 't bewies van Nederlandse waopehulp aan de opsjtendelinge. Dit wirt de casus belli van de Veerde Èngelsje Aorlog, dae in december oetbruk.
Tösje 10 en 16 oktober woedt in 't Caraïbisch gebeed de waarsjienlik meis verrinewerende orkaan van alle tieje (Groate Orkaan van 1780).
Ong Boun herwint de mach in ’t keuninkriek Vientiane.