Broenvès
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Broenvès (of gewoene broenvès; ouch wel zieverke; Latiense naom Phocoena phocoena (Linnaeus 1758)) is 'ne kleine walvèsechtege oet de oonderorde vaan de Tandwalvèsse en de femilie vaan de Broenvèsse. Taxonomisch gezeen is de broenvès geinen dolfijn. Ze leve in väöl oondepe zieë op 't noordelek haafroond (zoewie de Noordzie), veural in gemaotegde streke; daoboete höbbe ze mie concurrentie mèt versjèllende dolfijnesoorte. Ouch veur de kös vaan 't Belsj en Nederland weure ze gezeen.