Europees kampioensjap damesvoetbal 2022
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Europees kampioensjap damesvoetbal 2022 waor de 13e editie vaan 't Europees kampioensjap damesvoetbal. 't Woort gehawwe in Ingeland. 't Kampioensjap leep vaan 6 tot en mèt 31 juli. Zèstien landeteams dege mèt, boe-oonder ouch Nederland en 't Belsj. 't Gasland won de finaole door mit 2-1 vaan Duitsland te winne. Nederland, de verdeidegende kampioen, woort in de kwartfinaoles oetgesjakeld.
Oersprunkelek hej 't toernooj in 2021 mote weure gehawwe. Me besloot 't e jaor oet te stèlle door de COVID-19-pandemie, of beter: door de gevolge heivaan veur de sportkalender. In de zomer vaan 2021 woort naomelek ouch al 'n Europees kampioensjap hierevoetbal gehawwe. Umtot 't WK hierevoetbal vaan 2022 pas later in 't jaor plaotsvint, waor 't praktischer um 't toernooj door te sjuve.