Lieg-Kâsjtert
From Wikipedia, the free encyclopedia
Dit artikel is gesjreve (of begós) in 't Èèsjdes. Laes hie wie v'r mit de versjillende saorte Limburgs ómgaon.
Lieg-Kâsjtert (Nederlands: Laag-Caestert) is 'n buurtsjap van Èèsjde ien de gemejnte Èèsjde-Mergraote, ten zujde van Mesjtreech. De naom is vreuger aog gesjrieëve es Laag-Caster, Caustert, en Castert. De bebowwing is gelège rongd de Sjtèègsjtraot en de plaots oe de Voor de Maas iensjtruimpt. Ien 2003 woende d'r 115 luj. Ien de buurt sjtruimpt aog de Berwien (Berwinne) op 't Belsj.