Logan Paul
From Wikipedia, the free encyclopedia
From Wikipedia, the free encyclopedia
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
.jpg)
Logan Alexander Paul (Westlake, Ohio, d'r 1e april 1995) is 'ne Amerikanisje youtuber, podcaster en professioneel worstelaar deë seër d'r 30e juni 2022 ónger contrak sjteet bei de Amerikanisje worstelorganisatie World Wrestling Entertainment (WWE). Heë woar in 2021 al actief vuur de federatie.
't YouTube-kanaal van Logan houw in 2023 ruum 23 mieljoeën abonnees. Óp d'r 6e juni 2021 sjpeelde Logan teëge Floyd Mayweather jr. in 'ne demonstratiewedsjtried. Logan Paul hat twieë kier ieëder gevochte teëge d'r Ingelsje youtuber KSI. Ee van de twieë gevechte verloar e en 't anger indigde in 'n gelieksjpel.
Paul woar ieëder al actief bei WWE. Óp d'r 2e april 2021, in 't vriedigoavendprogram Friday Night SmackDown, versjeen e vuur 't ieësj óp WWE-televies mit professioneel worstelaar Sami Zayn. Paul versjeen doanoa bei de 37e editie van WrestleMania. Heë sjtóng Sami Zayn bei i zinne wedsjtried teëge Kevin Owens. Óp d'r 3e september 2021, in 'n aaflevering va SmackDown, kierde Paul truuk noa WWE es speciale gas van Happy Corbin in The KO Show, woe Paul d'r Corbin holp bei 't aanvalle va Kevin Owens.
Óp d'r 21e fibberwaar 2022, in 'n aaflevering va WWE Raw, woeëd ónthuld dat Paul d'r tag-teampartner van The Miz woar um 't óp te numme teëge Rey Mysterio en Dominik Mysterio óp 't evenement WrestleMania 38, dat plaatsjvóng óp d'r 2e april 2022. Miz en Paul beholde 'n uueverwinning óp The Mysterios.
Óp d'r 30e juni 2022 maakde Paul op Twitter (noe X) bekind dat e mit WWE e mieëjöärig contrak houw gesjlote.
Óp d'r 31e december 2017 plaatsjde Paul 'ne vlog óp YouTube woebei e, tiedes zie verblief i Japan mit zieng entourage in Aokigahara (döks ooch d'r zelfmoordbusj geneumd), 't lichaam leet zieë van 'ne man deë zich doa recentelig houw verhange. D'r video, getiteld We found a dead body in the Japanese Suicide Forest, woeëd binne 24 oer mieë es 6,3 mieljoeën kier bekeke en leide tot 'ne golf aa kritiek, zoeëwaal i Japan es doaboete. Paul boan kót doanoa zie excuses aa vuur d'r video en zag dat e 't bewuszien vuur zelfmoord en de preventie doava wool vergruuete.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
