Bögkeme

Bögkeme (in 't lokaal plat ouch Böggeme, Nederlands: Buggenum) is 'n dörp in de gemeinte Leudaal.

Dit artikel is in versjillende Limburgse dialekte gesjreve. Ómdat 't plaotsgebónje is maogs doe 't ómzètte nao 't Bögkemes, as te dit dialek sjpriks.

---

Bögkeme (Buggenum) Gewaeze gemeinte in Nederlandj
{{{locatie}}}
Gevörmp	1275[1]
Opgehaeve	1942
Opgegange in	Hale
Provincie	Nederlands Limbörg
Hoofplaats	Bögkeme
Opperflaakde (bie opluffing)	5,46[2] km²
– daovan water:	0,17[2] km²
Inwoeners (kort veur opluffing)	755 (1930)
– deechde:	143/km²
Lies van börgemeisters

Karakteristiek veur Bögkeme is de bebouwing langs de Dörpsstraot. De St. Aldegundiskirk en Hoes Malborgh valle dao ouch ónger. De sjriefster Neel Doff is in 1858 in Bögkeme gebaore.

In dit dörp woene ongevieër 1000 lui.

In 1942 woort de gemeinte Bögkeme opgehaeve en aan Hale toegeveug. Sins 2007 huurt Bögkeme bie Leudaal.

Waope

---

De volgende sectie van dit artikel is gesjreve in 't Mestreechs.

---

Bögkeme kraog op 5 november 1901 vaan d'n Hoege Raod vaan Adel e waope touwgekind (in de tabel te zien zoonder sjèldhawwer), wat ziech zoe liet umsjrieve:

Gedeild: I. In goud (geel) drei jachhores vaan keel (roed), beslage vaan zèlver, de groete openinge rechsgewend, gezat 2-1; II. in keel 'nen umgewende liew vaan zèlver (wit), getongk en gekroend vaan goud. 't Sjèld gehawwe door de H. Aldegondis, gekleid in e kloesterhabiet vaan zèlver, mèt 'ne mantel vaan sabel (zwart), hawwend in de rechterhand e book vaan zèlver en in de linker, die op 't sjèld rös, 'nen abbatiale staaf vaan goud; de kop umgeve door e gouwe aureool, geziech en han vaan natuurleke kleur, stoonde op e golvend water vaan lazuur (blauw); bove häöre kop 'n douf mèt oetgespreide vleugele vaan zèlver, gebeek en geklajd vaan keel, mèt um häöre kop 'n aureool.

Sint-Aldegonde waor de parochieheilege vaan Bögkeme en kump op 't aajd zegel vaan de sjepebaank veur. 't Huieg waope is gedeild vaan 't graofsjap Häör - boe Bögkeme oets in laog - en de femilie de Keverberg, die hierleke rechte in Bögkeme had. In allebei de waopes stoon fuitsjes: de hores in 't waope vaan Häör mote gein jachhores meh gewoen hores zien, en de liew vaan de Keverberg huurt dobbelstarteg te zien en getongk vaan keel.^[1]

Historische inwoenertalle

De bevolking vaan de gemeinte Bögkeme is in häör rillatief kort bestoon neet hel gegreujd. 'nen Opgoonden trend woort dèks gebroke door 'nen tied vaan krimp.

Jaor Aontal Oontwikkeling (gans Limbörg) 1830 607[3] -- 1840 641[4] +5,6% (+5,6%) 1849 675[5] +5,3% (+4,3%) 1859 673[6] -0,3% (+4,4%) 1869 699[7] +3,9% (+4,5%) 1879 702[8] +0,4% (+7,0%)

Jaor Aontal Oontwikkeling (gans Limbörg) 1889 695[9] -1,0% (+6,8%) 1899 663[10] -4,6% (+10,2%) 1909 671[11] +1,2% (+17,8%) 1920 747[12] +11,3% (+32,6%) 1930 755[13] +1,1% (+25,1%)

Rillatief oontwikkeling vaan 1830 tot 1971

(v₁₈₃₀=100)

Greun: Gemeinte Bögkeme
Blauw: Provincie Limbörg

Traditie

• Zazie Rauke, 't Oudjaorszinge mèt oudjaorsleedjes, op 31 december, door de kinger van de basissjoal, trèkkend langs de hoezer.