Cerium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Cerium.

Cerium is e sjemisch element mit es symboeal Ce en 't atoeamnómmer 58. 't Is e zilverwit lanthanied.

Toepassinge

Inne industrie wuuertj cerium veural gebroek bie 't make van legeringe mit alleminium en zirkonium. Anger toepassinge zeen:

• Es doteringselement in witte leds (opgeboedj oet e blaw led mit YAG:Ce ('ne mit cerium gedoteerdje yttrium-alleminiumgranaat, Y₃Al₅O₁₂:Ce, es fosforescent veur gael leech);
• Permanente magnete;
• Es katalysator in zelfzuvermakendje aoves, in driewaegkatalysatore veur verbranjingsmotore en bie organische synthese (cerium(III)- en cerium(IV)-verbinje);
• Versjillige ceriumverbinje waeren inne glaasindustrie gebroek veur glaas zowaal te kluueren es te óntkluuere;
• Cerium(IV)sulfaat wuuertj gebroek es titrant. 't Is 'n duur stof, mer 't haet es veurdeil det de standerdreductiepotentiaal kan waeren aangepas;
• Cerium(IV)oxied kan bieje perduksje van glaas waere gebroek veur ultraviolet leech baeter te absorbere;
• Inne petrosjemische industrie wuuertj cerium(IV)oxied gebroek bie 't krake van aerdaolje;
• Cerium(III)oxied wuuertj in keramische vorm same mit tin(II)oxied (SnO) gebroek veur beleechting mit UV-leech;
• De cerium(IV)oxied-cerium(III)oxiedcyclus of CeO₂/Ce₂O₃-cyclus is 'ne twieëstegecyclus veur op thermosjemische meneer water te splitsje veur waterstofperduksje.