Kabbinèt-Rutte III

From Wikipedia, the free encyclopedia

Remove ads

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Kabbinèt-Rutte III
Beëideg26 oktober 2017
Aafgetraeje10 jannewarie 2022
KoalisieVVD, CDA, D66, ChristenUnie
SjtaotshuidWillem-Alexander
PremierMark Rutte
VVD CDA D66 CU Opposisie
33 19 19 5 74
Zedelverdeiling van de Twiede Kamer
Rutte IIRutte IV

't Kabbinèt-Rutte III waor e Nederlands kabbinèt. ’t Waor, zjus wie 't opvolgend Kabbinèt-Rutte IV, gevörmp door de polletieke partije VVD, CDA, D66 en ChristenUnie. De veurzitter vaan 't kabbinèt, en daomèt ouch de veurzitter vaan de ministers en d'n huidege regieringsleier vaan 't Keuninkriek vaan de Nederlen, waor minister-prizzedent Mark Rutte. 't Woort beëdeg es d'n opvolger vaan 't kabbinèt-Rutte II, nao de Twiede Kamerverkezinge vaan 15 miert 2017 en de formatie vaan 't kabbinèt dat dao-op volgde. Op 9 oktober, 208 daog nao de verkezinge, gaof 't e koalitieakkoord. Daomèt waor 't de langste kabbinètsformatie oet de Nederlandse historie. 't Record weurt evels ingehaold door de kabbinètsformatie vaan Kabbinèt-Rutte IV. 't Kabbinèt-Rutte III had 76 zedele, wat percies genog waor veur 'n mierderheid.

Remove ads

Samestèlling

't Kabbinèt-Rutte III bestoond oet zèstien ministers, daobij is de premier en minister vaan Algemein Zake, Mark Rutte, mèt gerekend. De VVD lieverde zès ministers en drei staotssikkertarisse, ’t CDA veer ministers en twie staotssekratarisse, zoe-ouch de D66, en de ChristenUnie twie ministers en eine staotssikertaris.

Op 13 fibberwarie 2018 had Halbe Zijlstra ontslaag genomme es minister vaan Boetelandse Zake umtot heer leuges had verspreid roontelum e zoegenaomp bezeuk vaan Zijlstra aon de datsja vaan Vladimir Poetin in 2006. Zien take woorte tijdelek euvergenomme door minister Sigrid Kaag, boenao Stef Blok op 7 miert dat jaor woort beëdeg es d’n opvolger vaan Halbe Zijlstra.

In fibberwarie 2020 kroog 't kabbinèt te make mèt de COVID-19-pandemie. Minister veur Medische Zörg, Bruno Bruins, stapde op in d'n tied vaan de pandemie door groete vermeuidheid umwèlle vaan de verantweurdelekhede die d'r had in 't leie vaan de pandemie en de lockdown. Zien wèrk woort euvergenomme door Hugo de Jonge, dee al minister vaan Volksgezoondheid waor.

Sigrid Kaag trooj op 17 september 2021 aof es minister vaan Boetelandse Zake naotot zie 'n motie vaan aofkäöring had gekrege in rillatie mèt de perbleme roontelum evacuaties vaan Afghaone naotot d'n Taliban weer aon de mach waore gekomme nao 't vertrèk vaan de VS.

Mark Herbers trooj aof op 21 mei 2019 vaanwege 't achterhawwe vaan ciefers vaan misdrieve door asielzeukers.[8]

Meer informatie Amsbekleier, Ministerie ...
Remove ads
Loading related searches...

Wikiwand - on

Seamless Wikipedia browsing. On steroids.

Remove ads