Macro-Zjêspraoke

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De Macro-Dzjêspraoke vörmen 'n middelgroeate groep aan spraoke in Zuud-Amerika, veurnamelik in Breziel mer ouch in klènder deil van Argentinië, Paraguay en Bolivië. 't Besteit veural oete Dzjêspraoke; de anger tek zeen alleinstäöndje spraoke vanwaengen 't recèntelik oetsterve van väöl inheimse spraoke. De spraokfemielje woort veuren ieës veurgestèldj in 1926 en is saerdeen lichtelik aangepas gewaes.

Indeiling

Hie-ónger völg 'n lies mit spraoken inne femielje.

• Dzjê (zèstieën spraoken in drie tek: Kaingáng (18.000 spraekers verdeildj euver veer spraoke) enne naordelike en zujelike Dzjêspraoke wie Xavánte (8.000 spraekers))
• Krenák (Botocudo)
• Borôro
• Kamakã (oetgestorve)
• Karajá
• Karirí (oetgestorve)
• Maxakalíaans
• Ofayé
• Puríaans (oetgestorve)
• Rikbaktsá
• Yabutiaans (oetgesterve)