Markermaer

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

't Markermaer is 'n maer in Nederland, gelaege tösse Noord-Holland en Flevoland. 't Is óntstaon nao d'n aanleg van d'n Houtribdiek in 1976, wie 't dus aafgespliets woort van 't Iesselmaer. Noow wuuert officieel allein 't water ten naorde van d'n Houtribdiek Iesselmaer geneump. Oersprónkelik waas 't Markermaer ónderdeil van de veurmalige Zujerzieë. 't Markermaer zoel oeteindelik ouk ingepolderd waere, ofschoeën dit plan noeëts is oetgeveurd.

't Maer haet 'n oppervlakde van óngevier 700 km² en is gemiddeld 2 tot 4 maeter deep. Aan de noordkant, taege d'n Houtribdiek, guuef 't saer inkele jaore 'n niej neteurgebeed (Marker Wadden), waat same mit de Oostvaardersplassen in 2018 Nationaal Park Nieuw Land is gaon heite. In 't zuje geit 't Markermaer euver in 't IJmaer. 't Maer is verneump nao 't veurmalige eiland Marke. Doeënbeej de stad Hoorn leet 'nen inham dae me Hoornse Hop nump. Andere belangrieke plaatse zien Enkhuizen, Volendam, Monnickendam, Almere en Lelystad.