Passiva

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

In de ikkenemie zien passiva (ouch-wel liability oet 't Ingels) de brónne boemèt 'n oondernumming gefinancierd is. In prinsiep vörme passiva al 't geld wat in de oondernumming geïnvesteerd is. 't Tegeneuvergestèld bezej vaan passiva is activa.

Passiva umvatte de lieninge, veurzieninge veur oetgest`lede opbringste en oetgaves. Es veurbeeld: de oonbetaolde weerde vaan 'ne hypotheek of geld wat aon lieveranciers versjöldeg is, weure es passiva gezeen. De allewijl passiva zien sjölde die binne ei jaor betaold zawwe mote wuere, wijl de passiva op langen termien sjölde zien die langer loupe. 'ne Belaangrieke passiva-pos is de creditäöre: de nog neet betaolde leveranciers.

't Eige kapitaol (of, vernederlands, 't eige vermoge) weurt ouch aon de kant vaan de passiva op de balans gezat: dit is naomelek 'ne sjöld aon de eigenere of de aondeilhawwers vaan de oondernumming. De veurzieninge valle ouch oonder de passiva. Zie zien gereserveerde bedrage veur 'n verwach verpliechting in d'n touwkoms, boevaan d'n umvaank nog neet vassteit mer wel gesjat kin weure - beveurbeeld 'n veurziening veur groot oonderajd aon e bedriefspand.

Op 'n balans gilt ummertouw: activa = passiva = eige kapitaol + sjölde. Passiva vörmde de credit-zij (de rechterzij) vaan de balans. De activa vörme de debetzij (de linkerzij) vaan de balans. De passiva weure gebruuk um de activa te financiere. Daorum zien de passieve eve hoeg es de activa.