Partij van de Arbeid (Nederland)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Partij van de Arbeid (PvdA) is 'n Nederlandse sociaol-democratische polletieke partij. Ze weurt meistes in de riechting geplaots vaan centrum-links. Op dit memint (2023) zit ze in de oppositie; vreuger heet ze dèks aon 'n regering mètgedoon.

De PvdA woort op 9 februari 1946 opgerich door 'n fusie vaan de Sociaal-Democratische Arbeiderspartij, de Vrijzinnig Democratische Bond en de Christelijk-Democratische Unie. De PvdA is sinds de opriechting oonaafgebroke vertegewoordig gewees in de Ierste en de Twiede Kamer en de partij deeg mèt aon daartien kabinette. Wim Schermerhorn, Willem Drees, Joop den Uyl en Wim Kok waore minister-president naomes de PvdA.

D'n allewijle partijveurzitter vaan de PvdA is Esther-Mirjam Sent. Fractieleier vaan d'n Twiede Kamer, zoe-ouch partijleier is Frans Timmermans. In d'n T Fractieleier vaan d'n Ierste Kamer is Paul Rosenmöller. De partij heet ouch 'nen delegatieleier in 't Europees Parlemint: Agnes Jongerius.

De zetele in dees drei mandaote zien es volg verdeild veur de PvdA: ze heet mèt GL 25 vaan de 150 zetele in d'n Twiede Kamer, mèt GL 14 vaan de 75 in d'n Ierste Kamer en 6 vaan de 29 'Nederlandse' zetele in 't Europees Parlemint. In de EU maak zie wijers deil oet vaan de Europese fractie Progressief Alliantie vaan Socialiste en Democrate geleid door d'n Spanjaard Iratxe García – dees fractie heet 145 vaan de 705 Europese, dus alle zetele in 't Europees Parlemint.

Twiede Kamer

Twiede Kamer sinds 1998
Jaor	Zetele
1998	45
2002	23
2003	42
2006	33
2010	30
2012	38
2017	9
2021	9
2023	25*

- * mèt GL

Weblinks

• Website vaan de PvdA
• Partij van de Arbeid (PvdA), Parlement.com

Politieke partieë in Nederlandj

50+ (50PLUS) — BBB (BoerBurgerBeweging) — BIJ1 — CDA (Christen-Democratisch Appèl) — CU (ChristenUnie) — D66 (Democraten 66) — DENK — FVD (Forum voor Democratie) — GL (GroenLinks) — JA21 (Juiste Antwoord 21) — NSC (Nieuw Sociaal Contract) — OPNL (Onafhankelijke Politiek Nederland) — PvdA (Partij van de Arbeid) — PvdD (Partij voor de Dieren) — PVV (Partij voor de Vrijheid) — SGP (Staatkundig Gereformeerde Partij) — SP (Socialistische Partij) — Volt (Volt Nederland) — VVD (Volkspartij voor Vrijheid en Democratie)