Ruimtetoerisme

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ruimtetoerisme is 'ne vörm vaan toerisme woebij 't reisdoel de ruimte is. De ruimte is daobij gedefinieerd es beginnend op 100 km huugde vaanaof de Eerd (de Kármánlijn). Tot noe touw zien 7 lui es toeris is de ruimte gewees.

Lies vaan ruimtetoeriste die van en nao 't Internationaol ruimtestation ISS zien gevloge
Ruimtetoeris	Nationaliteit	Koste	Missie	Doer (Periode)	Jaor
Dennis Tito	VS	20 mieljoen dollar	Sojoez-TM32	9 daog (28 aprèl - 6 mei)	2001
Mark Shuttleworth	Zuid-Afrika / Vereineg Keuninkriek	20 mieljoen dollar	Sojoez-TM34	11 daog (25 aprèl - 5 mei)	2002
Gregory Olsen	VS	20 mieljoen dollar	Sojoez-TMA7	11 daog (1 oktober - 11 oktober)	2005
Anousheh Ansari	Iran / VS	ruim 20 mieljoen dollar	-	12 daog (18 september - 29 september)	2006
Charles Simonyi	Hongarije / VS	ruim 20 mieljoen dollar	-	15 daog (7 april - 21 april)	2007
		35 mieljoen dollar	-	12 daog (26 miert - 8 aprèl)	2009
Richard Garriott	VS / Brits	30 mieljoen dollar	-	12 daog (12 oktober - 23 oktober)	2008
Guy Laliberté	Canada	35 mieljoen dollar	Sojoez-TMA16	12 daog (30 september - 12 oktober)	2009

Charles Simonyi is d'n einegste dee twie kier es toeris in de ruimte is gewees.

Touwkoms

Virgin Galactic wèlt in de touwkoms vlöchte aonbeje, die roond de 200.000 dollar mote goon koste. De vlöchte zalle plaotsvinde in 't ruimtesjeep SpaceShipTwo, wat gelanceerd weurt vaan-oonder 'n moojervleegmesjien White Knight Two. De bedoeling is tot d'r 5 ruimtesjepe gebruuk goon weure, boe-in 2 pilote en tot 6 passagiers kinne vlege. SpaceShipTwo liekent op 'n vleegmesjien en zal ouch op dezelfde meneer lande op 'n landingsbaon.

Intösse is ouch 't bedrief Blue Origin bezeg met tesvlöchte vaan 't ruimtesjeep New Shepard, boe-in 6 persoene passe. De capsule vaan New Shepard land mèt parachute en de draagrakèt zal rechop lande op de plaots boe-op zie gelanceerd woort en kin daonao ouch weer hergebruuk weure.