Sjiisme

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Ali ibn Aboe Talib weëd aageweëze es kalief durch Mohammed

't Sjiisme (Arabisch: الشيعة, Perzisch: شیعه - sji'a, dat heesjt: volgeling of partei) is ing va de twieë groeëte sjtrominge binne d'r islam. De anger groeëte sjtroming heesjt soennisme. 't Sjiisme lieët zich óngerverdele i versjillende subsjtrominge, woe-ónger de twelversjiiete, ismailiete, zaidiete, aleviete en alawiete. 't Druzische geleuf is vuurtgekoame oet 't ismailisme, meh weëd mieëtstes neet tot d'r islam gereëkend.

Geleuf

Sji'a is 'n aafkótting va sji'at Ali (Arabisch: شيعة علي, šīʿat ʿAlī)‚ de volgelinge va Ali. Heë zouw es imam durch profeet Mohammed aageweze zieë es zinne ópvolger en mit um elf anger imams. Sjiite basere dit geleuf ónger mieë óp versjillende uueverleveringe va Mohammed in d'r Koran (Hadith). D'r focus óp d'r Koran es hillig book en 't woad va God is 'n uuevereekóms mit 't soennisme. Sjiite numme evvel alling Hadith aa die te herleie zint tot bloodverwante va Mohammed. Tupisj vuur 't sjiisme is ooch 't geleuf in 'ne twelfde imam en verlosser (mahdi) deë al geboare is, in teëgesjtelling tot 't soennisme, woe me zeët dat d'r mahdi nog geboare mót weëde.

Sjiiete mage de religieus wette neet zelf interpretere. Religieus leiders (maraji, mieëvoud va marja, مرجع) hant autoriteet binne de sjiitische gemeensjap en legke de wette oet.

Versjpreiding

Sjiisme is de óp een noa groeëtste sjtroming binne d'r islam in terme van gruuetde. Zo'n 10 bis 13 procent va de moslims weltwied is sjiiet. Ze vörme 'n mieërderheed i Azerbeidzjan, Iran en Irak. I leng wie Libanon, Koeweit, Jeme en Bahrein vörme ze 'n relatief groeëte minderheed.

Leng woe minimaal 10% va de iwuuenesj moslim is

██ soennitisch

██ sjiitisch

██ ibadisch