ປະເທດຊູແອດ

ປະເທດຊູແອດ ຫຼື ປະເທດສວີເດນ (ອັງກິດ: Sweden, ຊູແອດ: Sverige, ຝຣັ່ງ: Suède) ແມ່ນປະເທດນຶ່ງທີ່ຢູ່ໃນທະວີບເອີລົບ. ຫຼື ລາຊະອານາຈັກຊູແອດ (ຊູແອດ: Konungariket Sverige, ຝຣັ່ງ: Royaume de Suède) ເປັນປະເທດກຸ່ມນອກດິກຕັ້ງຢູ່ເທິງແຫຼມສະການດິນາວີ ໃນເອີລົບເໜືອ ເຂດແດນທາງຕາເວັນຕົກຕິດກັບປະເທດນອກແວດ ທາງຕາເວັນອອກສຽງເໜືອຕິກຕໍ່ປະເທດແຟງລັງ ແລະຊ່ອງແຄບ ສະແກເກີແລກ (Skagerrak) ທາງຕາເວັນຕົກສຽງໃຕ້ຕິດກັບຊ່ອງແຄບແກຕີແກດ (Kattegat) ແລະທາງຕາເວັນອອກຕິດກັບທະເລບານຕິກ ແລະອ່າວບົດນີ. ມີສະຕອກໂຮມເປັນນະຄອນຫຼວງ. ປະເທດຊູແອດມີປະຊາກອນທີ່ເບົາບາງ ເວ້ນແຕ່ໃນເຂດເມືອງໃຫຍ່ ພື້ນທີ່ສ່ວນໃຫຍ່ຂອງປະເທດປະກອບດ້ວຍປ່າໄມ້ ແລະພູສູງ.

ທຸງຊາດ

ປະເທດຊູແອດ

ປະຊາກອນສາດ

ປະເທດຊູແອດມີປະຊາກອນປະມານ 9,644,864 (ປີ ຄ.ສ. 2013)^[1][2] ໂດຍມີປະຊາກອນເກີນ 9 ລ້ານຄົນເມື່ອເດືອນສິງຫາ ປີ ຄ.ສ. 2004 ແລະເກີນ 9.5 ລ້ານຄົນເມື່ອປີ ຄ.ສ. 2012^[3][4]

ພາສາ

ພາສາລັດຊະການຂອງປະເທດຊູແອດແມ່ນພາສາຊູແອດ^[5][6] ເຊິ່ງມີຜູ້ເວົ້າເປັນພາສາແມ່ໃນປະເທດປະມານ 8,840,000 ຄົນ (ປະມານ 92% ຂອງປະຊາກອນປະເທດ)^[7] ແມ່ນພາສາທີ່ຈັດຢູ່ໃນຕະກູນພາສາເຢຍລະມັນເໜືອ ແມ່ນພາສາທີ່ຄ້າຍຄຶງກັບພາສາດານມາກ ແລະພາສານອກແວດ ໂດຍຜູ້ເວົ້າທັງສາມພາສານີ້ສາມາດສົນທະນາກັນໄດ້ ເຖິງແມ່ນວ່າຈະມີການສະກົດແລະສຳນຽງການເວົ້າທີ່ແຕກຕ່າງກັນແດ່.