![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4f/Tyushtya_the_Great.jpg/640px-Tyushtya_the_Great.jpg&w=640&q=50)
Тюштень
From Wikipedia, the free encyclopedia
Тюштень — айнемань ине мокшень оцязорсь, конась эрясь IV-це сядокизоста. Лувови мокшень, эрзянь, мишарень ди, улема, лия ломаттнень кяденьгирдемаснон вятиекс. Кунардонь айнематнень коряс сонь ульсь Торама кярьгец, кона илядсь ломаттненди тумдонза инголе. Снярда макссь вал: сон сай лездома кодак марясы ся кярьгонц вайгяленц. Меле «Тюштень», «Тюштя» валсь арась лемкс, вельдест кармасть мярьгома мокшень ди эрзянь лия оцязорхненди.
Тюштя — мифологиянь персонаж, сяда меле — мокшетнень ди эрзятнень оцюнясна. Ингольдень фольклоронь сюжеттнень эса — цебярь образ, сяда мельдень материалхнень эса — кальдяв. Кой-кона тяштьфонень эса азондови, што Тюштя,Тюштень — мокшень оцязорсь, И.И.Дубасов Тамбов аймакса эряй содай ломанть ваноманнзон коряс, Тюштян эрясь Зубово-Полянаса, вирьхнень эса, конатнень маласа ащи Ширингуши велесь.
Лия мифологиянь произведениятнень эса Тюштя ащи акща алаша лангса, сонь лездыенза — кшнинь нярь мархта вещай варсись, колма цёфксне, мешавась, алашась. Сон маштоль арамс алашакс, мешекс, цёфксонкс, щукакс, атёкшекс и ст.тов; маштсь полафтомс эсь прянц, кепотьксонди од ковста араль одкс, пялековста — виияль, машты ковста араль атякс.
Тюштя эряй панда пряса, шинь стяма ширеса. Масторть лангса сон инь козясь. Улихть сиянь палатанза, зрнянь щамоц. Сон пяк мазы, сери, щаф — каряф наряжафста — акша панарса.