Кезия пиче

Кезия пиче (лат.: Pinus kesiya) — Азиянь пичетнень тъналста шуфтсь^[1].

Кезия пичень салмоксонза ди пичемарец

Касонды 30-35 метрашка серес, пондонц диаметроц уленди 1 метра. Тя колма-салмоксонь пичесь (эрь пусмоста касондыхть 3 салмокс 15-20 сантиметрашка кувака). Пичемаренза 5-9 сантиметрашка оцю, видьмонзон кувалмоц 1,5-2,5 сантиметра.

Сон касонды Шистяма Гималайса Кельме-Шистямаширень Индияса (тяниень пингста аньцек Хаси ди Нага пандоналга, Мегхалая ди Манипур статса вирь кирьфтамань сюнеда), Китайса (Юньнань аймакса), Мьянмаса, Кельмеширень Тайландса, Лаосса, Виетнам‎са (Лайтяу, Лангшон, Каобанг, Куангнинь), Пилиппинтнаса (Лусон цёнга) сявомок. Шуроста пилиппинонь пичеть сёрмадыхть Pinus insularis. Китайса касонды пяк малады сортсь – юньнанень пиче Pinus yunnanensis.

Сон касы панда улава, шоворьф вирьга, пяк осал шапама (pH 4,5) ястерь эли тюжя кулуфтома модава, 800-2000 метра морять лангста вяри, сидеста 1200-1400 метра морять лангста вяри. Климатсь субкумокань, мусононь – полафнихть коське ди начка пинге. Вярденьбрайхть пяк козя, кожфонь летькоц аф 70%-та кържа.

Кяльвалсь

• Gymnosperm Database: Pinus kesiya
• Лузон цёнга кумокань виренза
• Ботаникс интернет лопась (мокшекс)