From Wikipedia, the free encyclopedia
Геннадий Ямбаршев (Геннадий Григорьевич Ямбаршев) (1950 вӱдшор 27, РСФСР, Киров вел, Тужа кундем, Пач-Югунур ял) — руш серызе, туныктышо, Марий Эл Республикын сулло туныктыш пашаеҥже (2005), Россий Федерацийын кыдал профессионал туныктышын почётан пашаеҥже (2005).
Геннадий Григорьевич Ямбаршев | |
---|---|
Геннадий Ямбаршев | |
Шочмаш дене лӱм | Геннадий Григорьевич Ямбаршев |
Шочын | 1950 ий 27 вӱдшор (74 ий) |
Шочмо вер | РСФСР, Киров вел, Тужа кундем, Пач-Югунур ял |
Чап пӧлек да премий |
Геннадий Ямбаршев 1950 ий вӱдшор тылзын 27-ше кечынже Киров вел Тужа кундем Пач-Югунур ялеш шочын. Вятско-Полянский районысо 1-ше №-ан Краснополянский кыдалаш школым пытарымек, слесарьлан, экскаваторын машинистшылан ыштен, юж-десант войскаште служитлен. 1987 ийыште Н.К. Крупская лӱмеш МГПИ-н историй факультетшым пытарен. 1988 ий гыч республикысе туныктымаш системыште ыштен: 19-ше СПТУ-што пашалан туныктымаш шотышто мастер, директорын туныктымо да воспитатлыме паша шотышто алмаштышыже, Медведевысе 1-ше №-ан кыдалаш школын директоржо, РМЭ-се Туныктыш министерствын пӧлка начальникше, Медведево район администраций вуйлатышын алмаштышыже, технологический колледжын директоржо лийын.
Г. Ямбаршевын икымше ойлымашыже 1976 ийыште Медведево район газетыште лектын. Ик гана веле огыл «Сылнымут шыже» семинар-каҥашыште лийын. «На тихой улице» лӱман икымше ойлымаш-влак сборникше 1982 ийыште лектын. Тӱшка сборниклаште, «Дружба» альманахыште, «Ончыко» журналыште савыкталтын. Кок книгаже — «Власть и кровь» ден «Афганский след» — сылнымутан да документ негызан улыт.
«За преобразование Нечерноземья РСФСР» медаль (1979), ВЛКСМ ЦК-н «Шӧртньӧ парча» тамга (1980), «Идалыкысе директор» тамга (2006), «Качествын отличникше» тамга (2007) дене наградитлалтын. Марий Эл Республикын сулло туныктыш пашаеҥже (2005), Россий Федерацийын кыдал профессионал туныктышын почётан пашаеҥже (2005) чап лӱм дене палемдалтын.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.